لبلبة مستاءة من مخرجة فيلم آخر عمل شاركت به: مش هشتغل معاها تاني أبدًا

كشفت الفنانة لبلبة، أنها تنزعج من حذف مشاهد لها في أعمالها، وأن هذا الموقف حدث معها مرتين، المرة الثانية مؤخرًا مع آخر فيلم شاركت فيه.

وقالت لبلبة في لقائها على قناة LBC:"بزعل لو محدش عرف قيمتي الفنية وشال جزء من دوري بعد التصوير وده لسه حاصلة ليا في فيلم نزلي في مصر المخرجة لقيت الفيلم ساعتين شالت من دوري نص ساعة فأنا استخسرت نفسي فيها ولا يمكن أقول أو أعاتب، في كل عقود الدنيا المخرج هو حر يشيل اللي هو عاوزه او يحط اللي هو عاوزه او لو الممثل اشتغل تلات أيام وما عجبش المخرج يجيب غيره هقولها ليه؟ أنا بالنسبة لي مش هشتغل معاها تاني، الطفل الصغير لما بيحط صباعه عند الكهربا لا يمكن يكررها تاني، وأنا لا يمكن اشتغل تاني مع المخرجة دي".

وأضافت لبلبة: “بنسى وبفكر في اللي جاي ودايمًا عندي تفاؤل، واحس ان ربنا هيبعت لي عمل هينسي اللي فات والفيلم لما بيتلعب فيه بيفشل وده اللي حصل مع الفيلم”.

وتابعت لبلبة: “النجومية قلق ومذاكرة واختيار أنا مش حاسة بنجومية وفتحت عيني لقيت نفسي مشهورة، النجومية نعمة من رب العالمين”.

وتقصد لبلبة بتصريحاتها المخرجة أميرة دياب، حيث تعاونت معها مؤخرًا في فيلم جوازة ولا جنازة، بطولة الفنانة نيللي كريم وشريف سلامة وعادل كرم وانتصار ومحمود البزاوي، والفيلم من تأليف دينا ماهر.