لبلبة: حياتي كلها مسؤولية.. وأكتر شيء يزعلني لو حذفوا مشاهد ليا بعد التصوير

كشفت الفنانة لبلبة أنها تحملت المسؤولية منذ صغرها، حيث كانت تخاف من رد فعل الجمهور، مشيرة إلى أن أكثر ما كان يبكيها ويزعجها حذف مشاهد لها من الأعمال بعد التصوير.

وقالت لبلبة خلال لقائها في قناة LBC: “من لما كنت بروح المدرسة كل حياتي مسوؤلية، أنا شلت المسؤولية من طفولتي لحد دلوقتي، بخاف من أول يوم تصوير أخاف الناس ما تنبسطش، وساعات بنعمل أفلام نفتكر هتكسر الدنيا ويفشل الفيلم لكن مش بإيدي ممكن المخرج شال من الفيلم، وأكتر شيء يضايقني يشيلوا ليا دوري بعد ما مثلته واتصور، وحصلت معايا مرتين وعيطت كتير وقبل ما نهاية الفيلم ولسه النور ما نورش جريت على بره وقلت لو مش لاقيا اكل مش هشتغل مع المخرجة، حصلت لي مرتين مع مخرجات، وزعلت جدا وقلت لا يمكن اشتغل معاهم تاني، كانوا جداد ومعندهمش خبرة”.

وأضافت لبلبة: “أنا ممكن اعيا لما أزعل على شغلي، النجومية مسؤولية خطيرة”.