ابنة ممدوح عبد العليم توجه رسالة لوالدها في ذكراه.. وتامر حسني: أثر فيا

نشرت هنا ابنة الفنان الكبير الراحل ممدوح عبد العليم رسالة لوالدها في ذكراه العاشرة، معبرة عن افتقادها الشديد له.

وقالت هنا ممدوح عبد العليم في الفيديو: “عشر سنين على وفاتك وعلى آخر مرة شفتك فيها وحضتني فيها.. فات عشر سنين على آخر مرة شفتك بتضحك لي وتهزر معايا.. وحشتني ومفتقداك وحياتي كانت هتبقى سهلة والطف كتير واتحرمت منك بدري، كأنك لسه متوفي امبارح افتكرت كل الوجع.. ما اتصورتش أن رقم العشر سنين حقيقي..عشر سنين علاقتنا مختلفة بكلمك مش بترد عليا وحشتني”.

بابا في مكان أحسن بمليار مرة

من ناحيته، أعرب الفنان تامر حسني عن تأثره بحديث ابنة ممدوح عبد العليم، وأعاد نشر الفيديو عبر ستوري حسابه بموقع إنستجرام وعلق: “الفيديو ده أثر فيا أوي هنا ممدوح عبد العليم نجلة الفنان العبقري الراحل ممدوح عبد العليم ربنا يرحمه يا هنا ويحسن إليه ويرفع من قدره.. بابا في مكان أحسن بمليار مرة من اللي احنا فيه”.

وأضاف: “شدي حيلك وخليكي قويه وادعيله دايما وخلي بالك بابا يبقى حبيب الملايين وأنا واحد من اللي بيعشقوه ربنا يوفقك يا حبيبتي ويحفظك وطول حياتك تعيشي رافعه راسه هو وماما”.