صابرين جابر: مسلسل ميدتيرم.. التويست اللي هيغير كل حاجة
علقت خبيرة العلاقات الأسرية صابرين جابر، في تصريحات خاصة لـ نيوز رووم، عن مسلسل ميد تيرم الذي يعرض حاليًا على شاشة أون ومنصة watch it.
وقالت صابرين جابر: "ميدتيرم ….التويست اللي هيغير كل حاجة، المسلسل لسه مش خلص وده في حد ذاته حاجة ممتعه لأن اي حد بيحاول يحكم دلوقتي الحكم بيكون بدري".
وتابعت صابرين جابر: "ميدتيرم مش بس قصة شباب في الجامعة ده إحساس ولحظه وتجربه اللي بيشدك هنا مش الأحداث اللي بيشدك إحساسك بالشخصيات إنهم مش غريبين عنك إنك قابلت شخص شبههم قبل كده".
وأضافت صابرين جابر: "الجميل كمان إن كل شخصية مش ثابتة كل واحدة فيها جزء رمادي مش أسود أو أبيض مش مظلوم أو شرير وكل حلقة بتخليك تعيد التفكير يمكن تحب حد كنت شايفه وحش أو تكره حد كنت شايفه مظلوم".
وأكملت: "القوة الحقيقية للمسلسل إنه مش بس بيورينا مشاكل الجيل ده لا ده كمان بيورينا نفسنا كآباء وأمهات بيخلينا نفكر: إحنا كنا كده؟ إحنا بنتصرف صح؟
بيخلينا نراجع صبرنا وحنيتنا وطريقة فهمناوكمان بيخلينا نفهم الجيل ده أكتر مش نقد ولوم بس بنحاول نبصلهم بنظرة صافية وده اللي بيخلي الحوار بين الجيل والمشاهدين حاجة واقعية لأن لما تشوف ولادك أو أي حد من الجيل ده بيتفاعل مع الأحداث. بتحس بنفسك كأنك موجود في نص الحكاية وبتسأل نفسك: أنا كنت هتصرف إزاي لو كنت مكانهم؟".
الجيل اللي بيتكلم عنه المسلسل جيل Gen Z
وأضافت: الجيل اللي بيتكلم عنه المسلسل… جيل Gen Z، جيل واقف بين الطفوله والبلوغ بين براءة وتجربة بين ضغوط الكبار وتوقعاتهم وهو لسه بيتعلم ولسه بيغلط ولسه بيحاول يفهم مين هو، والمسلسل بيقدم كل ده بطريقة طبيعية من غير تصنع ومن غير مثالية، والتويست اللي جاية أكيد هيغير كل حاجة مش في بس الأحداث ده هيخلينا نبص لكل اللي فات من أول وجديد نشوف الشخصيات بعين مختلفة ونفهم إن كل تصرف مش مجرد تصرف ده تعبير عن خوف وحب وألم.
وأكملت: "المسلسل مش بس بيشدنا احنا بس ده شد جيل كامل بيتفرج بدأ يتحاور ويتناقش ويحل يحاول يفهم نفسه ويتعلم من المشاهد والتجربه.. وده اللي بيخلي أي مشاهد سواء كبير أو صغير يتفاعل مع المسلسل بطريقة شخصية تحس إنك جزء من الحكايه وبتشوف نفسك من جوه المسلسل ومن نظرتهم ومن إحساسهم اللي بيخلي المشاهد ممتع ومؤثر إنك مش بس تتفرج فتحس بالعصبية وتحس بالفرحة الصغيرة لما حد أخيرا بيعمل الصح أو بيكتشف حاجة وبالمرات اللي بتحس فيها إنك لو مكانهم كنت هتتصرف إزاي وكمان تشوف نفسك من غير ما حد يحاسبك وتشوف عيوبك بطريقة الجيل ده نظرتهم وإحساسهم".
واختتمت خبيرة العلاقات الأسرية حديثها، قائلة: "المسلسل هنا مش بيتقال لك فيه الصح والغلط ده مسلسل بيورينا الحياة بدون اي مثالية.. لسه بدري نحكم لسه التغييرات جاية ولسه في تويست أكيد هيحصل وتويست ده مش هيغير الأحداث بس هيغير نظرتنا لنفسنا كآباء وأمهات ولجيل كامل بيتفرج وبيتحاور وبيخليه يفكر ويحلل ويشوف نفسه من وجهة نظرهم.. في النهايه لسه المسلسل ماخلصش والتويست اللي جاي مش هيغير الأحداث بالعكس ده هيخليك تشوفهم وتشوف نفسك من نظرتهم وتفهم كل اللي اتخبي ورا كل لحظة وكل تصرف".
