«حاطة كام حلق؟».. موقف محرج بين ريهام سعيد وسالي عبد السلام على الهواء

علقت الإعلامية ريهام سعيد خلال تقديم حلقة خاصة مع سالي عبد السلام، على الاستعدادات والتجهيزات قبل تقديم الحلقة، قائلة: «كان نفسي اشتغل مذيعة راديو عشان مقعدش أجهز كل التجهيز دا قبل الحلقة وعشان ألبس البيجامة وأنزل، أنا بخلص الهوا وببقى عايزة أروح بأي طريقة عشان مليش في الميكب واللبس والجو دا، يعني انتي يا سالي شوفي انتي حاطة كام حلق في ودانك». 

حوار طريف ومحرج

وقالت سالي عبد السلام: «أنا حطيت الحلقان دي قبل ما أجي وبحب أهتم بالتفاصيل جدا، وساعات أعرف أنان بيها وأوقات لا»، لترد ريهام سعيد قائلة: «يعني انتي لو نمتي على ودنك كده بتنامي على كل الحلقان دي». 

وأضافت سالي عبد السلام: «الجمال محتاج معاناة، والدبلة مش بقدر ألبسها لكن خواتم عادي»

وأكدت ريهام سعيد: «أنا لو لبست حلق أو خاتم أحس إني مخنوقة، بحس إن الناس اللي زيك كده يا سالي هما دول النجوم»، لتفاجئها سالي قائلة: «أومال يختي بختنا قليل ليه». 

في وقت سابق، أثارت الإعلامية ريهام سعيد الجدل من جديد بمنشور تهاجم به الفنان أحمد العوضي، عبر حسابها الرسمي على موقع التواصل الإجتماعي فيسبوك، ولكن حذفته بعد دقائق من نشره.

وقالت ريهام سعيد في المنشور المحذوف: “أنا فكرت كويس لو رديت عليك هاتزعل، و أنا مش عايزه ازعل حد في الأيام المباركة دي، وانت بتشتغل دلوقتي وقررت من نفسك أن مسلسلك هاينجح من قبل ما نشوفه، فهاسيبك تركز، بس هاييجي يوم وهارد عليك ده لو ربنا ماردش الاول”.

ريهام سعيد في بث مباشر الليلة لترد على جدل تصريحاتها عن أحمد العوضي 

جاء ذلك بالتزامن مع خروج الإعلامية ريهام سعيد عن صمتها لإيقاف منتقديها عند حدهم، خاصة بعدما نُسب لها إحدى المنشورات وهي تهاجم الفنان أحمد العوضي بعد تصريحاته بكونه الأعلى أجرًا، وذلك من خلال حسابها الرسمي على موقع التواصل الإجتماعي فيسبوك، حيث قالت ريهام سعيد في منشورها: “موضوع العوضي ده بوخ واظاهر لازم ارد بفيديو عشان ماتقولوش حذفت، انت فنان كبير و ليك تاريخك و زي ما قدرتني و اتكلمت عن اهم حلقات ليا من وجهة نظرك، أنا كمان احب اشكر فيك و في تاريخك الطويل انهاردة ان شاء الله الساعه 12 بليل”.