ريهام سعيد لـ أحمد العوضي: مش كل راجل اتجوز ممثلة ساعدته..وحرام تكيد واحدة ست
من جديد، هاجمت الإعلامية ريهام سعيد الفنان أحمد العوضي، بعد الجدل الذي أثير بينهما مؤخرًا على خلفية انتقاد ريهام لتصريح العوضي بأنه الأعلى أجرًا، ليرد الأخير ويسخر من حلقات برنامجها، قائلًا: "هي إعلامية مهمة وجميلة وليها حلقات جميلة وأزمتها مع كروان مشاكل أنا كنت متحيز ليها وعندها حلقة مع محمود حديدة من أقوى الحلقات.
وقالت ريهام سعيد في لايف منذ قليل عبر صفحتها الرسمية بموقع فيسبوك: "قلت إنك بتقول مش زعلان من مفيدة ورضوى ست بركة وأنا فيما معناه إني بعمل برنامج حقير وحلقات دون المستوى وإعلامية مش مهمة، وأنا هرد عليك علشان أنت عاوز السوشيال ميديا تتكلم عليك 24 ساعة بالسلب أو الإيجاب".
وأضافت ريهام سعيد: “أروح أجيب رجل القمامة وأأكله قدام مصر كلها ممكن أأكله بيني وبينه، لو عاوزة أساعده بجد وأجبر بخاطره من غير حفلة وسبحان الله المواقع عارفة أنت قاعد فين والساعة كام في نفس الوقت بالظبط علشان تشوفك وأنت بتجبر بخاطر حد”.
وتابعت: “لما تقول حاجة توقع أن الإعلام والميديا وزملائك هيرودو عليك لأن تصريحك غير موفق وحسيت من كلامك أن فيه كيد وغيظ، وطلعت قلت أنا هتجوز وهخلف، وعندنا فنانين كتير مش متجوزين زي أحمد عز ما بيطلعش في لايف يقول أنا هتجوز.. أنت قلت هتجوز من السنة اللي فاتت، علشان الناس تقول مين دي علشان الاسم يذكر طول الوفت مش مهم مين وستات بيتجاب سيرتها ممكن منهم اللي هيرتبط أو يتجوز الناس العادية مش هتفهم ده، لأن دي شغلانتا، ولو رضوى زعلت إنك قلت عليها بركة وكبيرة أنا بركة وكبيرة أوي هي عندها 44 أنا عندي 50”.
وأكملت ريهام سعيد:"لما كنت قاعدة على الكرسي مذيعة وعندي برنامج مكسر الدينا ومن الإعلاميات القلائل على الساحة كنت أنت لسه في المدرسة".
بتهزقني ليه وبتغلط فيا ليه
وأردفت:"عارف ليه أنت شتمتني أنا بس علشان أنت عارف أني مش صاحبة ياسمين وعلشان عارف إني هقول الحقيقة وماليش أغراض تانية لأني مش صاحبة حد، ولما ما شفتش بوستات ليا؟ بتهزقني ليه وبتغلط فيا ليه، النهارده لو عملت حلقة مهمة زي حلقة حديدة فده لأنه من ذوي اختياجات خاصة وهاجمنا المنتج اللي مشغله لعدم استغلاله على السوشيال ميديا، أنت ما شفتش أنا قدمت إيه 25 سنة أنا مش هقعد أقول أنا عملت وعملت معروف أنا مين وعملت إيه وفكرة ان اللي لفت نظرك هو ده يبقى تمام".
مفيش نجم بيقول أنا نجم
ووجهت ريهام سعيد نصيحة لـ أحمد العوضي وقالت: “نصيحة من ست كبيرة مفيش نجم بيقول أنا نجم ولا أحمد عز ولا كريم عبد العزيز ولا منة شلبي اللي كانت مترشحة لجوائز عالمية مقالتش أنا وصلت للعالمية، ومش هقولك إني عندي حلقات اتذاعت في الس إن إن، النجوم بتخلي الناس تتكلم عنها مش العكس، والزعيم عمري ما شفته بيقول أنا الأعلى أجرًا”.
النجوم الحقيقيين مش بنسمع لهم صوت خالص
واستطردت: أنت تحب تتجوز وتخلف دي حاجة ترجعلك ليه تخلي الناس دماغها مشغولة، أنا أقسم بالله وحياة ولادي عمري ما اتفرجت على مسلسل ليك انت متابعني بالدقة دي حاجة تشرفني، وكل اللي هقولهولك ركوب التريند مش كده لحاجة لما تزيد عن حدها تتقلب ضدها، النجوم الحقيقيين مش بنسمع لهم صوت خالص ولما حد يكيد واحدة ست حرام أو علشان يحرق قلبها حرام جدا".
وأضافت:"مش كل راجل اتجوز ممثلة ساعدها أو ساعدته، أحمد حلمي لما اتجوز منى زكي كانت أشطر منه وحاليًا بقى هو ينتج لها بعد ما اجتهد واشتغل على نفسه، وبسنت شوقي متجوزة محمد فراح ومالقتهاش بطلة معاه في ولا عمل، وغيرهم، ولكن لو واحدة ساعدت واحد ودخلته التمثيل أو العكس مفيهاش حاجة لكن أقول شكرًا إني خدت فرصة البطولة المطلقة".
