خالد الصاوي: وصلت للأربعين وأنا مش متجوز ولا مخلف ولا معايا فلوس |فيديو

تحدث الفنان خالد الصاوي عن كواليس عمارة يعقوبيان وكيف وافق على تقديم الدور رغم جرأته الشديدة، مشيرًا إلى أنه قبل هذه الفترة شعر أن عمره 40 سنة ولم يتزوج ولم ينجب فقر أن يفعل كل شيء.

وقال خالد الصاوي في لقائه مع الإعلامي أحمد سالم على قناة اون:"كنت في سن أربعين مش معايا فلوس، وفيه ألف واحد مؤمنين بيا وبيجولي المسرحيات حتى لو طويلة وثقيلة الظل ولو عملت ألف كتاب بيشتروه، وكنت بشتغل تلفزيون ومسرح بس بشتغل على مزاجي وأحيانا أرفض أدوار حتى لو مش معايا فلوس، فلقيت إني إربعين سنة معيش فلوس وما تجوزتش ومخلفتش وبالتالي بضيع فقررت اعمل حاجة اعمل فيها كل حاجة وده كان في مسرحية اللعب في الدماغ، واحط موقفي السياسي كان وقتها احتلاف العراق وكان لازم اعملها بخفة دم وحادة واتحدى فيها الرقابة وزي ما تيجي حتى لو دخلت السجن، لدرجة النشرات بقيت عاملة زي البيانات ووزعتها في معرض الكتاب وكان فيه رقباء حضروا العرض وكانوا في منتهى الجدعنة".

وأضاف: قلت هعمل كل الي عندي موقفي السياسي والفكري وهكتب وهخرج وهعمل شغل الفيديو على المسرح وهلعب مع الجمهور وهعمل كلمات الأغاني وألحنها وهعمل كل اللي عندي وكنت بشتغل كأني بعمل كل حاجة قبل ما اموت ولما نجح ومثلت مصر بره وعملت جوائز كنت متحمس اعمل حاجة تأكد ده اللي هي يا تعيش يا تموت فجه على بالي عمارة يعقوبيان".

وأشار خالد الصاوي إلى أنه واجه تحديات كثيرة وكل من حوله رفضوا تقديمه لهذه الدور، قائلًا: "كل اللي حواليا بيقولوا لي اوعى تعمل كده، وحد قال لي مرشحينك في حاجة وطارت وقررت إني مش هسمع حد، وركزت على شغلي وعرفت ان في غلسات واتشتمت كتير ولكن عظمة الشعب المصري انه فنان بجد وفي ودول عربية رفضت تعرضه أصلًا، وأكيد المصريين تذوقوا الفن وفهموا ان ده دور وإن كان فيه سجالات جوه السينمات".