خالد الصاوي: أبويا وأمي صحاب وكنا أسرة شقية جدًا وبنحب الضحك
تحدث الفنان الكبير خالد الصاوي عن أسرته، مشيرًا إلى أن أسرته فرفوشة وتحب الضحك والهزار.
وقال خالد الصاوي خلال لقائه في برنامج كلمة أخيرة عبر قناة اون: "لما بكون مع أمي بحس بالطفولة، ولما كان أبويا موجود كنا أسرة شقية جدًا بنحب الضحك وأبويا وأمي صحاب اتجوزا صغيرين وخلفونا صغيرين ومالهمش إلا بعض، وأبونا مربينا على إني صديقه الدائم ووالدتي كانت بتقولي أنه بيكلمك وأنا لسه ما اتولدش، ولما والدي كان شغال في القاهرة كان عمري تمن سنين كان يقولي أنا سايب راجل في البيت، وكنت صديقه وأحكي له واقوله مش عاوز حد يعرف".
في سياق آخر، تحدث خالد الصاوي عن رأيه في فيلم الست بطولة منى زكي ومقارنته مع مسلسل أم كلثوم بطولة صابرين والذي شارك هو أيضًا في بطولته:":ما شفتوش وثقتي كبيرة في أحمد مراد ومروان حامد ومنى زكي، ولكن تجربة أم كلثوم مع العظيمة إنعام محمد علي المخرجة اللي اتعلمت منها ومن حظي العظيم اني اشتغلت معاها تلات أعمال اتعلمت منها كتير، وصابرين عملت دور رائع رغم أن شكلها مختلف عن أم كلثوم، أم كلثوم وشها فيه شموخ وهيبة وصابرين طيوبة أوي، وكون أنها تعرف تعمل ده دي طاقة قوية جدًا، وأنا عملت سبع حلقات فادوني أكتر من لو إني اشتغلت خمس ست مسلسلات".
