عمرو أديب: اللي عايز ينتقد حاجة ينتقدها واللي عايز يقول حاجة يقولها بس بالأدلة

قال الإعلامي عمرو أديب، نريد زيادة في الأجور، وعلى مستوى السياسة، آن الأوان أن نرى برلمانا قويا ومجلس نواب يعبر عن الناس، أنت اليوم الحديد، الجبهة المصرية قوية، أنا بقولك مفيش إخوان، غير مؤثرين عليك.

أمنية عمرو أديب في 2026

وتابع خلال تقديمه برنامج الحكاية، والمذاع عبر قناة إم بي سي مصر،  أنت دلوقتي.. شوارعك إيه، أي محافظة في مصر دلوقتي معلقة كهارب بسبب احتفال رأس السنة، العريش كان محدش يعرف يدخلها، روح شوف سيناء دلوقتي، ووضعها كان إيه من 4 أو 5 سنين.

وأضاف:"نفسي في 26 يتكلم الناس، مفيش حاجة تخنقك، الفترة الأخيرة كان فيه نفس، اللي عايز ينتقد حاجة يقولها، اللي عايز يقول حاجة يقولها.

واستطرد:"كان عندنا وزير مالية اسمه الدكتور محمد معيط عندما خرج من الوزارة بقى بيتكلم عن الإصلاح اللي مكنش بيعمله في الوزارة.

الإصلاحات الاقتصادية ليست سهلة

وتابع كل هذه الإصلاحات الاقتصادية ليست سهلة هي محتاجة قرار احنا عاوزين نشوف سنه عادية اشتغل بقا انت دايما بتعمل تحت ضغط طب من غير ضغوط ماذا سيحدث.

واستطرد:" المصريين عندهم هاجس الديون أمل ان في 2026 تبدا تتنفس ووتتعامل مع الامور بشكل طبيعي وحدث الاصلاحات الحقيقه عشان الناس تبدا تشوف الدولة وهي بتغير

 حلم التغير سواء اقتصادي أو سياسي صعب

وأضاف:"أنا نفسي يحصل إيه في 2026 من 2011 لحد2025 كانت الدولة المصرية عندها سبب لعدم التغير 2011 الثورة وبعدين الإخوان و2013 الثوره التانية وبعدين الكوفيد.

وتابع:" كان دايما حلم التغير سواء اقتصادي أو سياسي صعب، ويقولك البلد مش بالقوة الكافية و2026 عام عادي يسمح بالتغير الناس تتحدث عن شهر يناير شهر التغير في الوزارة.

وأضاف:" أن وجود الدكتور مصطفى مدبولي بنفس السياسيات هتجيب نفس النتائج، وفي حاجات كتيره محتاجين انها تتعمل سواء في الزراعة في الاقتصاد يعملها بقا مدبولي يعملها اسم تاني المهم ان في سياسة تتغير".

اللجوء إلى صندوق النقد الدولي يعتبر خطوة استثنائية

وفي وقت سابق، قال الدكتور محمد معيط المدير التنفيذي بصندوق النقد الدولي، أن اللجوء إلى صندوق النقد الدولي يعتبر خطوة استثنائية وأخر مصدر لأي دولة لسد أي فجوة تمويلية.