بعد مشادة كلامية بينهما.. رجل يضرب زوجته فتلقي مصرعها في الوايلي
تباشر النيابة العامة في القاهرة، التحقيقات في واقعة قيام زوج بقتل زوجته، بسبب مشادة كلامية وقعت بينهما، فيما طلبت النيابة تحريات المباحث حول الواقعة.
وكشفت التحقيقات الأولية، أن مشاجرة نشبت بين زوج وزوجته في منطقة الوايلي، وذلك بسبب قيامها بشتمه، مما جعله يقوم بضربها على رأسها لتلقى مصرعها في الحال، وجاري التحقيق في الواقعة.
وفي واقعة اخري، زعمت إحدى الفتيات تعرضها لواقعة تحرش في ميني باص ليلة أمس، من قبل أحد الأشخاص مسن، وتمكنت من الإمساك به وتوثيق الواقعة بمقطع فيديو نشرته عبر حسابها على فيسبوك.
وروت الفتاة التي تدعى ندى الشرقاوي تفاصيل الواقعة قائلا: «لأول مرة في حياتي هنزل حاجه زي كدا بس لازم من شويه كنت في ميني باص انا و ماما و مروحين و قاعده قدام و حسيت بحاجه غريبة بتحك فيا و قولت يمكن يتهيألي فا حطيت أيدي لحد ما فعلا لقيته حد بيدخل ايدو ومسكتها و روحت لفيت و بزعق لقيته راجل كبير فالسن وبيقولي في ايه خلاص و نزلوني نزلوني».
وتابعت الفتاة: « مسكت في و بنت فعلا وقفت واقفة بـ 100 راجل ولا اعرفها ولا شوفتها و الرجاله واقفين مقاموش من مكانهم إلا أما قعدنا نقول لو حد من بناتكو هتسيبو ينزل وموقف سلبي منهم مفيش غير إتنين مسكو في».
وأكملت الفتاة :« فالأخر الراجل قعد يمثل ويعمل أنه بيعيط زي ما انتو شايفين و جه حد من الرجالة بيقولي خلاص هو خد جزاته، ودي جمله بجد معرفتش أرد عليها».
وأردفت الفتاة:« بالعافية صورته و فالاخر نزلوا وللمعلومة دي مش أول مره يحصل معايا دا و معرفش أخد حقي و اخويا خد الفيديو و الصور و نزل القسم قالولو لا لازم يكون في مكان الواقعة و إن من الاخر مش هيحصل حاجه و فالحقيقه انا مش عارفه ازاي معايا دا و يحصل دا و ميكنش ليا حق و يضيع عشان معرفتش اخد بياناته و عشان صعب عليهم ومصعبش عليهم بنت قاعده في حالها جنبها مامتها لبسها مش مبين سنتي من جسمها حد يحط ايدو عليها و يعمل كدا».
