فكروا معايا في إشاعة تخليني تريند.. ياسمين نيازي تثير الجدل بمنشور غامض
أثارت المطربة ياسمين نيازي الجدل بعدما نشرت منشورًا غامضًا عن رغبتها في تصدر التريند، وذلك عبر حسابها الرسمي على موقع التواصل الإجتماعي فيسبوك.
منشور ياسمين نيازي يثير الجدل
وقالت ياسمين نيازي في منشورها:" جماعة فكرو معايا في إشاعة تطلعني تريند أو كلام أن أنا أجمد واحدة في الكوكب، وأجمد من شيرين وأنغام وأعلي سعر وكدا، وزودو بقى بحاجة تشطشط الموضوع، فضيحة عشان كل الناس تكتب عني، ويبقوا بيجروا ورايا عشان أرضى اعمل حوارات، واطلع برامج بأرقام فلكية،
ومدام إسعاد يونس تستضيفني هي ومني الشاذلي وعمروأديب وكل البرامج المهمة فشخ دي، فكروا بصوت عالي عشان يسمعونا، اصل المحترم اللي بيقول علي نفسه فنان اللي بيشتغل بس وطالع عينه ف البلد دي محدش بيبص ناحيته، اصله مش ترند فضايح ومشاكل، اتفووووو علي دا زمن".
أحمد العوضي يثير الجدل بأنه النجم الأعلي أجرًا في مصر
وجاء ذلك بعدما أكد الفنان أحمد العوضي في وقت سابق ، أنه النجم الأعلى أجرًا في مصر بسبب تحقيق مسلسله فهد البطل أعلى مشاهدة حسب ما ذكر في رمضان الماضي، كما تصدر قائمة الأكثر بحثًا في جوجل في مصر خلال عام 2025.
وقال أحمد العوضي في لايف عبر الحساب الرسمي له علي موقع التواصل الإجتماعي فيسبوك :"أنا النجم الأعلى أجرًا في مصر والأعلى مشاهدة والأعلى مبيعًا .. والحمد لله ده بفضل ربنا وبدعم إخواتي ليا .. وأقل حاجة أقدمهلكم المسابقات .. وإن شاء الله أفضل رقم واحد .. ويبقى الفرق بيني وبين رقم إتنين وتلاتة زي من هنا لمطروح".
أحمد العوضي في فهد البطل
وقال أحمد العوضي خلال اللايف: “فهد البطل هو الأعلى بحثًا في مصر في 2025 .. وهو رقم واحد زي ما كان فهد البطل هو الأعلى في 2024 .. وده كله بفضل ربنا ودعمكم .. وإن شاء الله علي كلاي السنة الجاية يبقى الأعلى .. ونبقى كده حققنا الأعلى مشاهدة 3 سنين ورا بعض”.
أبطال مسلسل علي كلاي
كما أكمل أحمد العوضي كاشفًا عن أبطال مسلسله الجديد علي كلاي : “معايا في علي كلاي زميلتي النجمة درة لأول مرة .. وهتشوفوها بشكل جديد .. ومعانا طارق الدسوقي وعصام السقا ويارا السكري ورحمة محسن وسارة بركة وضياء عبدالخالق وأحمد عبدالله محمود وميدو ماهر .. وكلهم إخواتي وحبايبي .. وكمان محمد ثروت وريم سامي”.
