"مش هنسيب حقنا".. غزل المحلة: الأهلي لم يسدد حق رعاية إمام عاشور
كشف وليد خليل رئيس نادي غزل المحلة، حقيقة وجود أزمة مع مسؤولو الأهلي بشأن حق رعاية إمام عاشور في انتقاله للقلعة الحمراء ومفاوضات التعاقد مع يحيى زكريا لاعب الفلاحين.
وقال خليل في تصريحات مع سهام صالح لبرنامج الكلاسيكو على قناة اون: مسؤولين في الأهلي ووكلاء اتكلموا عن يحيى زكريا لكن مفيش حاجه رسميه من جوه مصر.. لكن الرسمي من بره مصر ومفيش حاجه رسميه
واضاف: هوافق على رحيل اللاعب لشقين رغبة اللاعب والفلوس ..
وتابع رئيس نادي غزل المحلة: مش عارف هناخد رعايا إمام عاشور امتى ومشكلتنا مش الأهلي احنا اتكلمنا مع الفيفا والمفروض ناخد فلوسنا من ٦ شهور لكن مش عارف
وأردف: انا مش بيني وبين الأهلي شكوى وبنا علاقه قويه جدا.. لكن انا بحفظ حقي عشان كده اتكلمت مع الفيفا
وواصل: عندنا ٦٠٠ الف دولار لشباب بلوزداد بعد انتقال بن حموده ، أصبحت ١٢٠ الف دولار حقوق رعايا إمام عاشور وليست ٩٦ انا بحب الأهلي وهو اللي مشرفنا في المحافل
واختتم رئيس غزل المحلة: لو عليا أنا أتنازل عن مستحقاي للأهلي.. لكن دي حقوق ناس تانيه فغصب عني مش بمزاجي.
