رضوى الشربيني توجه رسالة قوية للعوضي: «لازم تشكر اللي وصلوك»
انتقدت الإعلامية رضوى الشربيني الفنان أحمد العوضي بعد تصريحه الأخير بكونه الأعلى أجرًا، وذلك من خلال منشورًا عبر حسابها الرسمي على موقع التواصل الاجتماعي فيسبوك.
منشور رضوى الشربيني
وقالت رضوى الشربيني في منشورها:“ بشوف إن الواحد اللي يتكلم عن إنه بقى الأعلى في الاسم والأجر، المفروض كمان يتكلم عن مين اللي وصّله لهناك، ويتكلم عن فضل ومعروف الناس اللي خلّته يوصل لكده، ده إذا كان أصلًا الأعلى، لأنه مفيش حد أعلى غير ربنا سبحانه وتعالى، عامةً، كل واحد وتربيته، واللي بيزرع خير أكيد آخرته هتبقى خير، واللي بيزرع شر أكيد نهايته هتبقى زيّها”.
أحمد العوضي يتحدث عن نجاح فهد البطل
وفي وقت سابق أكد الفنان أحمد العوضي أنه النجم الأعلى أجرًا في مصر بسبب تحقيق مسلسله فهد البطل أعلى مشاهدة حسب ما ذكر في رمضان الماضي، كما تصدر قائمة الأكثر بحثًا في جوجل في مصر خلال عام 2025.
وقال أحمد العوضي خلال لايف عبر صفحته الرسمية على موقع التواصل الإجتماعي فيسبوك : “فهد البطل هو الأعلى بحثًا في مصر في 2025 .. وهو رقم واحد زي ما كان فهد البطل هو الأعلى في 2024 .. وده كله بفضل ربنا ودعمكم .. وإن شاء الله علي كلاي السنة الجاية يبقى الأعلى .. ونبقى كده حققنا الأعلى مشاهدة 3 سنين ورا بعض”.
أنا النجم الأعلى أجرًا في مصر
وتابع: “أنا النجم الأعلى أجرًا في مصر والأعلى مشاهدة والأعلى مبيعًا .. والحمد لله ده بفضل ربنا وبدعم إخواتي ليا .. وأقل حاجة أقدمهلكم المسابقات .. وإن شاء الله أفضل رقم واحد .. ويبقى الفرق بيني وبين رقم إتنين وتلاتة زي من هنا لمطروح”.
أبطال مسلسل علي كلاي مع أحمد العوضي
وأكمل أحمد العوضي كاشفًا عن أبطال مسلسله الجديد علي كلاي : “معايا في علي كلاي زميلتي النجمة درة لأول مرة .. وهتشوفوها بشكل جديد .. ومعانا طارق الدسوقي وعصام السقا ويارا السكري ورحمة محسن وسارة بركة وضياء عبدالخالق وأحمد عبدالله محمود وميدو ماهر .. وكلهم إخواتي وحبايبي .. وكمان محمد ثروت وريم سامي”.
وواصل : “هتشوفوا مسلسل ضخم .. فيه كل حاجة .. فيه أكشن ودراما عائلية ورومانسية .. وصراعات في الإطار الشعبي اللي بتحبوه مني”.
وكان قد كشف العوضي في نفس اللايف، عن استعداده للزواج خلال العام المقبل، والاحتفال بعيد ميلاده المقبل معه زوجته، كما كشف موعد عرض فيلمه الجديد شمشون ودليلة.
