خالد سرحان يدعم أحمد السقا بعد تعرضه للانتقادات بسبب فيديو محمد صلاح
أعلن الفنان خالد سرحان، عن دعمه للنجم أحمد السقا، بعد تعرضه الأخير للانتقادات والسخرية خلال الساعات القليلة الماضية، بسبب خروجه في فيديو عبر حساباته على السوشيال ميديا، من أجل دعم نجم الكرة المصري العالمي محمد صلاح.
خالد سرحان يدعم أحمد السقا
وكتب خالد سرحان عبر حسابه الشخصي على فيسبوك : "كل الدعم للفنان الكبير المحترم أحمد السقا".
رد أحمد السقا على انتقادات نشره فيديو عن محمد صلاح
وكان قد رد الفنان أحمد السقا على انتقادات فيديو محمد صلاح، حيث قال : " احساسي عند مشاركة محمد صلاح اليوم في مباراة ليفربول كان شعوري بالفخر لابن بلدي وابن أمتي العربية وفرحة للاعب .. أنا بدعم صلاح في ليفربول والمنتخب .. زي ما دعمنا أحمد زويل ومجدي يعقوب مع حفظ الألقاب".
وأكمل السقا خلال مداخلة هاتفية برنامج الحكاية والمُذاع عبر قناة إم بي سي مصر : "أنتوا اللي عملتوني .. ولو مش عايزيني .. كل واحد يجيب العدة بتاعته ويفك الصامولة بتاعته ويرموني".
وأضاف أن فكرة الفيديو الذي صوره يعتبر رسالة إلى آرني سلوت وإدارة ليفربول، وجاء أثناء تقليبه في التليفون، ووجد أن صلاح يبكي.
عز الدين أيبك اللي جوايا طلع
وتابع أحمد السقا : "عز الدين أيبك اللي جوايا طلع .. فعملت فيديو صغير لدعم أخويا صلاح .. والفيديو كان فيه نوع من أنواع الدعم لصلاح .. وقولت أقول جزء من الكلام باللغة الإنجليزية .. واستخدام اعلى مصطلح علشان أوضحلهم إن الراجل اللي بيتكلم ده على علم وعلى دراية .. ووجهت رسالة .. ولما قولت كوتش كنت أقصد إنه كابتن .. وصلاح جوه الملعب بيوجهه زمايله".
لقيت الفيديو اتسمح
كما قال السقا : "الفيديو جاب كمية ريتش كبيرة .. لكن لقيت الفيديو اتمسح بعد كده .. أنا محبط طوال النهار من سلوكنا إحنا كمصريين .. الفيديو الأول العربي نزل .. والردود العربية كانت إيجابية .. إلا بعض الناس اللي دخلت السياسة في الدين في غزة".
أحمد السقا يكشف استياءه من إهانة أسرته
وواصل أحمد السقا حديثه : "قلة هي اللي واخدة موقف من صلاح .. ولكن أي دولة عربية بتعتبر صلاح ملكية خاصة بيها باعتبارنا عرب .. أنا اللي زعلني إني فوجئت إن أنا اتهنت واتهانت أسرتي وأبويا وأمي وولادي .. وتركيبتي الشخصية متسمحليش اني أسبب أذى لحد".
