أحمد السقا: أنا بدعم صلاح في ليفربول والمنتخب زي ما دعمنا زويل ومجدي يعقوب
قال الفنان أحمد السقا إن إحساسي عند مشاركة محمد صلاح اليوم في مباراة ليفربول كان شعوري بالفخر لابن بلدي وابن أمتي العربية، وفرحة للاعب، قولت نص البلا ولا البلا كله.. الحمد لله، أنا بدعم محمد صلاح في ليفربول والمنتخب، زي ما دعمنا أحمد زويل ومجدي يعقوب مع حفظ الألقاب.
رسالة إلى آرني سلوت وإدارة ليفربول
وأضاف خلال مداخلة هاتفية برنامج الحكاية والمذاع عبر قناة إم بي سي مصر:"أنتوا اللي عملتوني، ولو مش عايزيني، كل واحد يجيب العدة بتاعته، ويفك الصامولة بتاعته، ويرموني.
وتابع:" فكرة الفيديو الذي صوره يعتبر رسالة إلى آرني سلوت وإدارة ليفربول، جاء أثناء تقليبه في التليفون، ووجد أنه صلاح يبكي، ولقيت الرياضة دخلت في الدين، في السياسة.
عز الدين أيبك اللي جوايا طلع
واستطرد:"عز الدين أيبك اللي جوايا طلع، فعملت فيديو صغير لدعم اخويا صلاح، والفيديو كان فيه نوع من انواع الدعم لصلاح، وقولت اقول جزء من الكلام باللغة الإنجليزية، استخدام اعلى مصطلح علشان أوضحهلهم ان الراجل اللي بيتكلم ده على علم وعلى دراية، ووجهت رسالة، ولما قولت كوتش كان اقصد انه كابتن، وصلاح جوه الملعب بيوجهه زمايله.
وتابع:"الفيديو جاب كمية ريتش كبيرة، لكن لقيت الفيديو اتمسح بعد كده، أنا محبط طوال النهار من سلوكنا.. إحنا كمصريين، أول الفيديو العربي نزل الردود العربية إيجابية إلا بعض الناس اللي دخلت السياسة في الدين في غزة".
السقا:"أنا اتهنت واتهانت أسرتي وأبويا وأمي وولادي
وأضاف: "قلة هي اللي واخدة موقف من صلاح.. ولكن أي دولة عربية بتعتبر صلاح ملكية خاصة بيها، باعتبارنا عرب، أنا اللي زعلني فوجئت أن أنا اتهنت واتهانت أسرتي وأبويا وأمي وولادي، وتركيبتي الشخصية متسمحليش اني أسبب أذي لحد".
وتابع:"محتاجين نرجع نطبط ع بعض، إحنا بنفتت مجتمع، أنا صعبت عليا نفسي، انا حزين من ردود الفعل، واللي قالي أنت متعرفش تمثل، لكن أنا مستحيل أذي حد".
