“أنا مش زبالة”.. صرخة مقاول فقد كل أمواله وتشرد في الشوارع| فيديو

نشر صانع المحتوى عمار أشرف مقطع فيديو مؤثرا لرجل بلا مأوى مشرد يعيش في الشارع منذ نحو عام ونصف إلى عامين، بعدما تعرض لعملية نصب أفقدته مليونا و200 ألف جنيه، ما تسبب في تدمير حياته بالكامل وتشريده بعيدا عن أسرته.

وخلال حديثه مع عمار، روى الرجل تفاصيل ما تعرض له، قائلا: اتنصب عليا في مليون و200 ألف، ومن يومها وأنا في الشارع، مش قادر أرجع ولا أسد ديوني، بقيت أقعد في الشارع أجمع كنز ومية، وأنا أصلا مقاول رخام وعمري ما اشتغلت إلا في الشغل المستورد.

وعن معاناته اليومية قال: بنام في الشارع، وباكل من الشارع، وربنا موجود أحسن من أي حد.

وأوضح أنه يعيش حالته النفسية الصعبة بصمت، مضيفا: دماغي تعبت من اللي احنا فيه.. بس الحمد لله.

وكشف الرجل عن حلم بسيط كان يتمنى تحقيقه منذ أسبوع، قائلا: كنت بحلم أحلق، بقالي أسبوع نفسي أحلق ومش لاقي مكان يدخلني، كل ما أخش محل يقولوا ده جاي من الشارع، مضيفا: أنا مش زبالة، أنا راجل اتعبت وشقيت طول عمري.

وخلال الفيديو، كشف الرجل عن جانب مؤلم من حياته، حيث قال إنه متزوج ولديه طفلان، قائلا: معايا ولد اسمه جابر على اسم أبويا، وبنت على اسم أمي “مكة”، بقالي سنة ونص ما شفتهمش.

وعندما سأله صانع المحتوى: تحب تقولهم إيه لو شافوا الفيديو؟، رد الرجل بصوت متقطع: وحشتوني قوي، والله العظيم كنت بشتغل العمر كله عشانكم، اللي أنا فيه ده غصب عني، عمري ما سرقت ولا عملت حاجة غلط، الحمد لله.

ولم يتمالك الرجل دموعه وهو يقول: اللي مزعلني بس إني مش بشوف عيالي.. ده اللي وجع قلبي.