مايان السيد تشارك جمهورها صورًا من كواليس فيلم ولنا في الخيال حب
شاركت الفنانة مايان السيد جمهورها مجموعة من صور كواليس فيلم ولنا في الخيال حب، برفقة فريق العمل، وذلك عبر حسابها الرسمي على موقع تبادل الصور والفيديوهات إنستجرام.
مايان السيد تشارك صور الكواليس
وعلقت عليها مايان السيد قائلة: “أحلي كواليس في حياتي و احلي فيلم في حياتي، التجربة دي بالنسبالي غيرت و لمست فيا حاجات كتيرة و حقيقي أنا محظوظة بالفيلم ده و ممتنة ليه جداً، سارة رزيق شكراً انك وثقتي فيا، بحب كل الناس اللي اشتغلت في الفيلم ده من كل قلبي، فيلم ولنا في الخيال حب دلوقتي في كل سينمات مصر، و من يوم 4 ديسمبر في الدول العربية، قولولنا عايزنا نييجي نتفرج معاكوا علي الفيلم فييين؟”.
تجربة أحمد السعدني في فيلم ولنا في الخيال حب
في سياق متصل، قد تحدث أحمد السعدني عن تجربته، في لقاء خاص مع الإعلامية شيرين سليمان، ببرنامج "سبوت لايت"، المذاع على قناة صدى البلد، مشيرًا إلى إن الفيلم يحتل مكانة خاصة في قلبه، لما يحمله من روح مختلفة وطاقة مميزة في الأداء والإخراج.
موضحًا: "من أول ما سمعت اسم الفيلم حسّيته مميز جدًا، وسارة لما ابتدت تحكيلي عنه ما كنتش محتاج أقرأ السيناريو، كفاية دقيقة واحدة من كلامها عرفت قد إيه هي بتحب المشروع وبتحلم بيه بقالها سنين وحسّيت إن الحلم ده حقيقي، فقررت أشاركها الرحلة، خصوصًا إن الشخصية قريبة جدًا مني".
وأضاف السعدني أن المخرجة سارة جوهر تمتلك رؤية فنية ناضجة رغم حداثة تجربتها، قائلاً: "من أول يوم تصوير، اكتشفت إن سارة مش مجرد مخرجة جديدة، دي مخرجة عاشقة للسينما بكل تفاصيلها، مخلصة جدًا في شغلها، وعندها شغف بيخليك تتعدي تعب التصوير والتفاصيل، لأنك بتحس إنك جزء من حلمها".
كواليس تصوير فيلم ولنا في الخيال حب
وعن كواليس التصوير، أشار إلى أن روح الفريق كانت سر نجاح التجربة، قائلًا: "اشتغلنا كأننا فرقة واحدة، بروح الهواة اللي بيحبوا السينما بصدق. اشتغلنا على كل تفصيلة في الشخصية والشكل مع الستايلست ليلى ماجد، واشتغلنا كتير قبل التصوير عشان نطلع العمل بشكل يليق برؤية سارة والفيلم بالنسبة لي مش عمل عادي، هو تجربة شبهني جدًا ومليانة صدق وإحساس".
