«رحلة أول مليون جنيه».. محمد أبو النجا يكشف أسرار نجاحه للشباب

علق  محمد أبو النجا نجاتي رائد الأعمال، على سؤال الإعلامي أحمد سالم عن كيفية تحقيق أول مليون جنيه، خلال برنامج «كلمة أخيرة»، المذاع على شاشة قناة «ON». قائلا إن الوصول لأول مليون جنيه هو أصعب مرحلة في رحلة النجاح.

أول مليون جنيه.. رحلة 10 سنوات من الكفاح والنجاح

وأضاف: «أنا شفت شخص كتبلي في كومنت إنت بدأت بكام مليون، محدش بيبدأ كده.. أنا أول مليون جنيه استغرقت مني 10 سنوات كانت في، وكان وقتها المليون مبلغ كبير».

وأضاف خلال اللقاء: «أنا كنت شاب متعلم كويس وعايز أعمل فلوس، وأنت أهم حاجة تعرف تبدأ منين»، مستشهدا بقول الله تعالى في سورة الواقعة: «أفرأيتم ما تحرثون أأنتم تزرعونه أم نحن الزارعون»، موضحا أن هذه الآية تلخص مشوار الكفاح «دي آية بتلخص تبدأ إزاي، الموضوع أنت مستحيل تعرف آخره فين لكن آنت عليك أول خطوة ولو مجتش من أول مرة، بتيجي مع الوقت».

التركيز على التنفيذ أهم من الفكرة نفسها

وأشار إلى سر النجاح في التنفيذ قائلا: «اشتغلت في حاجات كتير ومكنتش فاهمها كويس، لحد ما ركزت في فكرة واحدة، مش المهم تعمل مجهود كبير في الفكرة نفسها، لكن المهم تعمل مجهود كبير في تنفيذها بالشكل الصحيح».

الفشل جزء من التجربة: قصص التفليسة والتعلم

في وقت سابق، وجه الإعلامي أحمد سالم سؤالا صادما لرائد الأعمال محمد أبو النجا، مفاده: «فلست كام مرة؟»، ذلك خلال تقديم برنامجه «كلمة أخيرة»، المذاع على شاشة قناة «ON». 

ورد محمد أبو النجا على السؤال قائلا: «أول مرة 13 مليون، وتاني مرة من 2 ونص لـ 3 مليون جنيه».

الإخفاق في الإدارة

وأوضح: «التفليسة الأولى، كان عندنا بيزنس مطاعم كبير وحدث بعض الإخفاق في الإدارة، فنزلت على وشي زي ما بيقولو وخرجت عليا ديون للناس اللي أنا كنت خدت منهم فلوس وقتها بس الحمدلله سددتها بعد كده». 

وتابع محمد أبو النجا: «التفليسة التانية كانت إحدى الشركات عندنا نجحت نجاح فظيع فحسيت إني بطل العالم، فدوست بنزين على الآخر بقى وحسيت إن أي حاجه هلمسها هتتحول لدهب، بس أنا اتكبيت كبة تانية واتعلمت وقتها إن لا لازم تاتا تاتا». 

مكسب فلوس كاش ولا أسهم في شركة؟، سؤال وجهه الإعلامي معتز الدمرداش لرائد الأعمال محمد أبو النجا.