رغم اعتذاره .. نقابة الموسيقيين تقرر وقف إسلام كابونجا 6 أشهر عن الغناء
قررت نقابة المهن الموسيقية، برئاسة الفنان مصطفى كامل، وقف مؤدي المهرجانات إسلام كابونجا، عن الغناء لمدة 6 أشهر، وذلك بسبب الفيديوهات المسيئة التي انتشرت له مؤخرًا ولغنائه بألفاظ غير لائقة.
أول تعليق من إسلام كابونجا بعد التحقيق معه في مقر نقابة الموسيقيين
خرج مؤدي المهرجانات إسلام كابونجا، في أول تعليق له، بعد التحقيق معه في مقر نقابة المهن الموسيقية منذ قليل.
خدت ومش هكرر الخطأ
وأشار كابونجا خلال لقاء خاص مع موقع “نيوز رووم” أنه أخذ درس كبير خلال التحقيق ولن يكرر الخطأ الذي وقع به، حيث قال : “اللي حصل في التحقيق إني خدت درس ومش هيتكرر الخطأ تاني بإذن الله .. والخطأ اللي حصل ده مش مقصود .. وهستغل الفرصة دي واتأسف لأي حد سمع مني كلمة وحشة .. واللي حصل ده مش هيتكرر تاني وهتشوفو إسلام بشكل تاني”.
أكيد محدش هيخسر أكل عيشه ويعمل زيي
وتابع : “وأحب أشكر اللجنة لأنه كانوا رءوفين بيا وشايفني زي ابنهم .. وأكيد محدش هيخسر أكل عيشه خالص ويعمل زيي مهما كان مين .. والنقابة دي بيت أي موسيقي .. وأستاذ مصطفى كامل عداه العيب معانا وحذرني كذا مرة بس الغلط ده كان غير مقصود”.
وأكمل إسلام كابونجا : “الفيديوهات اللي نزلت كانت قديمة بس رجعت تظهر .. وأنا همسح كل ده .. واللي حصل هيخليني إسلام تاني وهركز في الكلمة اللي بتتقال بعد كده .. وفي انتظار قرارات النقابة ولجنة التحكيم اللي هتطلع في بيان رسمي”.
واختتم كابونجا : “بوعد الجمهور وأستاذ مصطفى كامل اللي هوا أب لينا كلنا .. إننا مش هنسمع كلمة زي مطوة وأي كلمة خادشة في أغانيا”.
