إسلام كابونجا في مقر نقابة المهن الموسيقية للتحقيق معه .. صور
يتواجد حاليًا مؤدي المهرجانات إسلام كابونجا، في مقر نقابة المهن الموسيقية، من أجل التحقيق معه، على خلفية قرار إيقافه عن الغناء مؤخرًا.
وصول إسلام كابونجا لمقر نقابة الموسيقيين
وكان قد وصل كابونجا منذ قليل، إلى مقر نقابة الموسيقيين، للتحقيق معه، وظهر مرتديًا كمامة ومتأثرًا، حيث قال قبل دخوله التحقيق : "ربنا كبير .. ادعوا لي”.
تعليق إسلام كابونجا على قرار منعه من الغناء
وكان قد خرج إسلام كابونجا عن صمته، منذ ساعات قليلة، عندما تحدث في بث مباشر، عبر صفحته الرسمية على فيسبوك، عن أزمة منعه من الغناء.
أي حاجة تصدر من النقابة على دماغي
وقال إسلام : “عايزكم في موضوع كده بالنسبالي حياة أو موت، طبعا كلنا شوفنا الخبر اللي نزل أن أنا اتوقفت، أي حاجة تصدر من النقابة على دماغي، بس اقسم بالله العظيم وهحلف على المصحف وغلاوة بنتي الأغاني دي قديمة”.
الأغاني دي قديمة
وواصل : “وفي ناس أخواتي ياما اتسألوا هل تؤيد القبض على إسلام كابونجا، وناس مني وناس بتسمعني وناس بحبها كاتبين نعم نؤيد، أي حد يؤيد فوق دماغي، بس الأغاني دي قديمة، وحسبي الله ونعم الوكيل في أي حد بينزلي فيديوهات قديمة عشان يرازيني في أكل عيشي، ورزق بنتي”.
وأضاف كابونجا : "أنا عندي تحقيق كمان شوية عادي أي حاجة تصدر في التحقيق فوق رأسي، أنا غلطان ، بس والله الأغاني دي قديمة، الناس اللي بتسمعني هتعرف القديم من الجديد، الأغاني من الصيف اللي قبل اللي فات”.
بكاء إسلام كابونجا بعد قرار منعه من الغناء
واختتم إسلام كابونجا حديثه باكيًا، وقال : “عموما الناس اللي عايزاني اتوقف أنا اسف ليكم لو أنا سمعتكم حاجة مش عجباكم، الحاجات دي قديمة واتحسبت عليها خلاص، الناس اللي شايفاني وحش متعاملوش معايا وبيحكموا عليا من بعيد، في ناس ياما رزقها هيتقطع بس أنا كفيل بيهم طول فترة وقفي، وأيف لو سمعتكم حاجة وحشة بس أنا اتغيرت وناس كتير سمعتكم حكاجات وحشة واتغيرت”.
