مي عمر: دور الراقصة كان يحتاج لتدريب.. ودينا ما كنتش متفرغة ( فيديو)
قالت الفنانة مي عمر خلال استضافتها ببرنامج «الحكاية»: «دور الرقاصة عمل شكل مختلف، ودا اللي كنا بنستهدفه، لكن الهدف ما كنش الرقص بمعنى الرقص، ويمكن فيه ناس كتير كانت فاهمة إن الموضوع رقص فعلا»
وأضافت بطلة مسلسل «إش إش» خلال استضافتها ببرنامج «الحكاية» والمذاع عبر قناة «ام بي سي مصر»: «اي دور بيحتاج حاجات معينة، والدور كان بيحتاج إلي تدريب، وفيه بعض المشاهد كانت بتكون موجودة راقصة بديلة، واحنا بنتكلم في عالمة».
واستكملت مي عمر: «لازم الدوبلير يكون نفس الشكل أو قريب منه، واتعلمت منه كتير، ودينا مش كانت متفرغه ليا وكنت محتاج حد يعلمني ويكون معايا معظم الوقت».
وبشأن متابعة السوشيال ميديا؛ قالت مي عمر: «لازم كلنا نتابع السوشيال ميديا وكنت بتابع شوية الأرقام، ولما نحقق نوع من أنواع النجاح ليه مردود، وبقارن نفسي بنفسي، والحمد لله عدينا في المسلسل».
واستكملت: «كل الناس اللي ما كنتش مبسوطة كانت واحدة فكرة غلط عن المسلسل من الأول، لكن اللي اتفرج اتبسط، المسلسل بيناقش فكرة وقضية».
مي عمر في مسلسل إش إش
مسلسل إش إش بطولة مي عمر، ماجد المصري، انتصار، هالة صدقي، محمد الشرنوبي، إيهاب فهمي، شيماء سيف، عصام السقا، علاء مرسي، إدوارد، ندى موسى، طارق النهري وغيرهم عدد من الفنانين، ومسلسل إش إش من إخراج محمد سامي وتأليف مهاب طارق ومحمد سامي.
أحداث مسلسل إش إش
ودارت أحداث مسلسل إش إش في إطار شعبي اجتماعي، حول إش إش التي أجبرتها الحياة على العمل كراقصة شعبية رغمًا عنها، حيث إن عملها يعد مصدر الدخل الوحيد لعائلتها، ولكنها دومًا تتمرد على حياتها وتحاول النجاة منها من خلال إصرارها الشديد على التعليم.
وكانت قد أعلنت مي عمر عن مشاركتها في مسلسلات رمضان 2026، قائلة: «انتظروا قريبا الإعلان عن مشروعي القادم رمضان ٢٠٢٦ وبوعد الجمهور إن إشاء الله هيكون عمل يليق بهم مثل إش إش ونعمه الأفوكاتو ولؤلؤ مع مخرج رائع لأول مرة هنشتغل سوا ومتأكدة إنه هيظهرني بعين جديدة».
