عمرو أديب يفتح النار على طالبي الحرب.. ويتساءل: هتقفوا مع مصر؟
فتح الإعلامي عمرو أديب النار على رواد مواقع التواصل الاجتماعي الذين يدعون إلى الحرب، قائلا: «قولي تقصد أي إن مصر تحارب تعمل أي، عاوز مرة حد يقولي أنت عاوز مصر تحارب فين ازاي، يعني أي مفهومك للحرب، هنعمل أي».
القدرات العسكرية
وأضاف الإعلامي عمرو أديب خلال تقديم برنامج «الحكاية» والمذاع عبر قناة «ام بي سي مصر»: «عاوز اللي بيقول حرب دا يديني الخطة كده، حاضر هنحارب، هو إحنا بنحارب دول قدرتها العسكرية مش بقول انها لا تقهر بس دولة عندها نووي، بلاش كده، دي دول وراها أمريكا».
التكلفة الاقتصادية
واستكمل: «انا عاوز بعد كده أي حد يقولي عاوز مصر تحارب يقولي يعني أي، انسى التكلفة الاقتصادية وهنالك زلط ونمشي ورا جيشنا، بس ناوي تعمل أى، هتكمل إزاي؟! أنت متخيل إن أمريكا هتسيبك لما توصل لنتنياهو».
هتقفوا مع مصر لما تحارب؟
وتساءل «أديب»: «هتقفوا مع مصر لما تحارب؟ وكان فيه حرب واضحة ولها أهداف، أنا أفهم أن الجيش المصري لما الدبابات الإسرائيلية توجه أفواهها نحو الأبراج المصرية نحن أهل لها».
فكرة التزويد بالسلاح
وبشأن شراء مصر السلاح؛ قال الإعلامي عمرو أديب: «يشتري الناس لسلام لليوم الذي تحتاج فيه السلاح، يعني لما تفكر تنكد على المصريين هتتعور وأنت بتتكلم على جيش وشعب لما بيحين الحين ما بيصدقوا، هينزل ويفتح المطوة كده لحد هناك، إحنا حضارة كفاح، حضارة حرب على مدى السنين، فإذا كتب علينا القتال فنحن أهل لها».
وأكد على أن: “الدولة المصرية لها وزنها، فالصين تعرف وزن مصر، وأمريكا تعرف وزن مصر، ولا يعرف وزن مصر إلا القريبين منها، إحنا اللي عملنا كل حاجة علشان العزة والكرامة العربية، وكان الوقت اللي مصر حربت كان معاها الدول العربية بالكامل”.
استخدام الدين في هذا الأمر
وعبر الإعلامي عمرو أديب عن استياءه من بعض المصطلحات قائلا: “للأسف يتم استخدام الدين في هذا الأمر، الخطاب ديني “جهاد، استشهاد، المقاومة” يتم استخدام هذا الأمر بشكل ورع”.
