بقينا نكتة قدام العالم.. تعليق ناري من عمرو أديب على أزمة مباراة القمة
قال الإعلامي عمرو أديب: «الكرة المصرية، الأهلي والزمالك، بقي شكلنا وحش، وشكل الكرة المصرية سئ جدا وسط المنطقة العربية كلها، مافيش حد عنده البدع والاختراعات في المنطقة كلها زي عندنا».
وأضاف الإعلامي عمرو أديب خلال تقديم برنامج «الحكاية» والمذاع عبر قناة «ام بي سي مصر»: «كم تخبط غير طبيعي، رغم إن دي حاجة المفروض مسلية، تتحول إلى خلافات وفلوس كبيرة»، مستكملا: «سيبك من مع مين وضد مين، وما اظنش إن فيه دولة في الأمم المتحدة كلها فيها الجملة دي، الدولة واقفة مع النادي الفلاني، لا لا لا، دا الوزير دا مع النادي الفلاني، لا لا لا البلد كلها أصلها مع النادي الفلاني».
مباراة القمة بين الأهلي والزمالك
وأكمل: «انت عاوز تقولي إن مصر سابت المصائب اللي عندها وفاضية للأهلي والزمالك؟، يقولك دا جاية من قوق، فوق دا حاجة واحدة بس نعرفه ويعرفه كل المصريين، احنا وصلنا لحالة عته كروي غير طبيعية، هو ينفع إن الكرة يكون فيها تفسيرات فقهية؟».
وأوضح الإعلامي عمرو أديب: «اي التخبط اللي انتوا فيه دا، يوم الرابطة تطلع تقول كلام، ويوم تطلع تقول كلام تاني، دي مسابقة ولا مرجيحة، هو أي اللي بيجرى يا جماعة، شكلنا بقا وحش، شكلنا بقا نكتة قدام العالم».
وتساءل «أديب» قائلا: «ليه يبقى شكلنا وحش كده، دا دي الدولة اللي فيها هيئات، الرابطة، اللجنة الأولمبية، وزارة الشباب والرياضة، مش عارفه تاخد قرار».
مسلسل مباراة القمة بين الأهلي والزمالك
من ناحيته؛ قال أحمد عبد الباسط الناقد الرياضي «اخر كلام إن مباراة الأهلي وبيراميدز هتتلعب بحكام أجانب، وإن مسلسل مباراة القمة ممكن يستمر معانا لرمضان الجاي».
وأضاف: «يتم الاجتهاد مع النصوص وتأويلها، حالنا حكام ومشيت 3 أو 4 مرات، فأصبح الموضوع واصل لهذه المرحلة، والسبب إن فيه أزمة بين الرابطة واتحاد الكرة وصلت للأهلي».
سبب تراجع الرابطة عن قراراها
واستكمل: «الرابطة رجعت في كلامها الشأن تمسك العصابة من النص، ودا القرار الصح، والقرار اتخذ بناءا على أي، لأنه طلع يوم الحد وما كنش فيه اجتماع أساسا».
