"من عاب ابتُلي".. زوج البلوجر سلمى عبد العظيم يدافع عنها بعد خلعها للحجاب
علّق علاء جمال، زوج البلوجر سلمى عبد العظيم، على خلعها للحجاب، مشيرًا إلى أن لها الحق في اتخاذ ما تراه مناسبًا لنفسها، ولا يحق لأحد أن ينتقدها أو يهاجمها.
وجاء ذلك عبر بوست قام بنشره على صفحته الرسمية بمنصة "انستجرام" قائلًا: في نقطتين هنحطّهم قدّامنا عشان نكون واضحين،أولًا إن سلمى مش مبسوطة ولا راضية خالص علي الخطوة دي، ولا أنا أكيد ،واللي حصل ده حرام ومش من دينها... نقطة ومن أول السطر،من امبارح حاسس الناس إنهم ماسكين مفاتيح الجنة والنار في إيديهم،وعاملين محكمة وبيقولوا : مين هنا ومين هنا".
وتابع علاء جمال قائلًا : " مافيش مشكلة إن الناس تزعل عشانها وعليها ومنها، عشان بيحبوها،بس الطبيعي إنكم تدعولها ربنا يردّها ليه، مش تقعدوا تجرّحوا فيها،هي لو غلطت... وده حرام، وبرضه اللي انتو بتعملوه ده حرام ومش من الدين،هي انتكاسة بس... وسلمى قوية ومؤمنة وقريبة من ربنا، وإن شاء اللّٰه هترجع وأحسن من الأول ف ندعيلها ،كلنا ماشيين بستر الله، ومحدش فينا أحسن من حد، ولو الستر اترفع من علينا مش هنعرف نمشي نبص لبعض،وانا معاها وجمبها وربنا يقدرنا علي الابتلاء دا وترجع سلمي احسن من الاول كمان،من عاب ابتُلي ،ادعولها ادعولها كتير.
وكانت قد أثارت البلوجر المصرية سلمى عبد العظيم جدلًا واسعًا عبر منصات التواصل الاجتماعي خلال الساعات الماضية بعد إعلانها خلع الحجاب.
وشاركت سلمى جمهورها عبر صفحتها على منصة انستجرام مجموعة من الصور دون حجاب، لتعلن بذلك تركها للحجاب.
وعلقت سلمى: مفيش أي مبرر ف الدنيا ممكن اقوله علي اللي عملته دا ومش بشجع ولا بنصح اي حد اطلاقاً ف لحظة ضعفت فيها غصب عني وعارفه كويس ان ربي وديني مبيأمرنيش ب ده ادعولي ان ربنا يردني للحجاب مره اخرى.
وفي حين أن البلوجر حاولت تبرير خلعها للحجاب، إلا أنها تعرضت لموجة ضخمة من الانتقادات من قبل رواد السوشيال ميديا.
وبالرغم من الحزن والصدمة التي أصابت متابعيها وجمهورها إلا أنهم علقوا لها بالدعوات وأن يردها الله للحجاب مرة أخرى.
ويذكر أن البلوجر سلمى عبد العظيم احتفلت بعقد قرانها على البلوجر علاء جمال في أجواء مميزة حظيت بتفاعل واسع من جمهور السوشيال ميديا، حيث تصدر اسمها محركات البحث خلال الساعات الماضية.
