مين بينزل انتخابات عشان التريند؟.. مونيكا مجدي تكشف الحقيقة

قالت مونيكا مجدي المرشحة لـ انتخابات مجلس النواب بدائرة شبرا وروض الفرج وبولاق أبو العلا، إن هناك الكثير من الأشخاص على السوشيال ميديا تقول إنها تريد عمل تريند والجميع يشارك في الانتخابات من أجل التريند، معلقة: «مين هينزل انتخابات عشان التريند، احنا عندنا رسالة حقيقية بنقدمها للناس عشان تطمن».

أيام الدعايا الانتخابية 

وأضافت "مجدي"، خلال استضافتها ببرنامج «الساعة 6»، المذاع على شاشة قناة «الحياة»: «الموضوع أسهل من إني أقدم في انتخابات، إني أبذل مجهود في الشارع، أنا ببات في الشارع وبلف، ساعات بستخسر أنام أيام الدعايا الانتخابية عشان عايزة أوصل لكل الناس في الدايرة عندي عشان أقدمله النموذج البسيط وأطمنه إني جمبه وأنه أمانة في رقبتي».  

وتابع: «دي رسالة مهمة لأهل دايرتي إنهم يقدروا مجهود الشباب اللي بيتعمل لأن مصر دي مستقبلها للشباب».

في سياق متصل، قالت مونيكا مجدي المرشحة لانتخابات مجلس النواب بدائرة شبرا وروض الفرج وبولاق أبو العلا، أن العملية الانتخابية تعتمد على التواصل مع المواطنين، موضحة أنها تحصد محبة الناس في الشارع وثقتهم حتى يطمئنوا لأنها تعيش نفس مشكلاتهم اليومية وتتحدث بلسانهم ، معلقة: «لما بيلاقو حد منهم بيتكلم عنهم بيكون في شعبية كبيرة واحنا عايزينك، ومفيش غيرك هيمثلنا بس اوعي تخذلينا».

رسالة العجلة في الحملة الانتخابية

وأوضحت "مجدي"، خلال استضافتها عبر برنامج «الساعة 6»، المذاع عبر شاشة قناة «الحياة»: «بقول للناس ثقتكم دي في رقبتي يستحيل بعد كل المحبة دي أخذلكم، المحبة دي أمانة في رقبتي، ورسالة العجلة مش مجرد عجلة ماشية في الشارع، لكنها رسالة تعلم كل الناس أن الدعايا الانتخابية بطريقة مبسطة وتعجز الناس الكبيرة التي تصرف ملايين في الانتخابات أمام الأسلوب البسيط الذي نستخدمه مع الناس في التواضع والمحبة والتعامل مع الناس».

أكثر كلمة تسمعها

وتابعت: «أكتر كلمة كنت بسمعها من الناس، هي احنا مكناش بننزل انتخابات ومش هننزل بس قسما بالله وحياة عيالي بسمعها وهما بيقولو هننزل عشان خاطرك عشان انتي تستاهلي تتكلمي عننا وتستاهلي تكوني جزء مننا». 

أسلوب جديد في الدعاية الانتخابية

في سياق متصل، ابتكرت المرشحة مونيكا مجدي، عن حزب الإصلاح والنهضة في دائرة شبرا وروض الفرج وبولاق أبو العلا، أسلوبا جديدا ولافتا في الدعاية الانتخابية، إذ قامت بجولات ميدانية باستخدام دراجة داخل نطاق الدائرة لتوزيع موادها الدعائية على الأهالي، في خطوة تهدف إلى تعزيز التواصل المباشر مع المواطنين.