الشائعات ضللت الرأي العام.. مصطفى بكري يكشف تفاصيل حادث كرموز بالإسكندرية
قال الإعلامي مصطفى بكري إن حادث القتل المروع الذي شهدته منطقة كرموز بمحافظة الإسكندرية، وشغل مواقع التواصل الاجتماعي خلال الساعات الماضية، صاحبته موجة من المعلومات المغلوطة بشأن هوية القتيل وطبيعة الواقعة.
حقيقة أن القتيل مهندس كيمياء نووية
وأوضح بكري، خلال تقديمه برنامج “حقائق وأسرار” على قناة صدى البلد، أن بعض الصفحات تداولت أن القتيل مهندس كيمياء نووية، ما فتح الباب أمام تحليلات وتكهنات غير صحيحة، مؤكدًا أن الحقيقة أن الضحية خريج كلية الهندسة ويعمل مندوب مبيعات في توكيل سيارات، بينما القاتل مهندس أيضًا لكنه يعاني من اضطرابات نفسية، مشيرًا إلى أن الأجهزة الأمنية تمكنت من ضبط الجاني والسلاح المستخدم في الجريمة.
وأضاف بكري أن المتهم فرّ من موقع الحادث بسيارته عقب ارتكاب الجريمة، وسط حالة من الذهول بين المارة، موضحًا أن التحريات الأولية أشارت إلى أن الواقعة نتجت عن مشاجرة شخصية بين المجني عليه وصديقه.
وأوضح بكري أن النيابة العامة في الإسكندرية باشرت التحقيق في الحادث، حيث أمرت بندب مفتش الصحة لتوقيع الكشف الطبي على الجثمان، والتحفظ على السلاح المستخدم، مع تكليف الأجهزة الأمنية بسرعة استكمال التحريات لكشف ملابسات الواقعة ودوافعها الحقيقية.
إحنا النهارده بلد في حتة تانية
وعلى صعيد آخر، قال الإعلامي مصطفى بكري “إحنا النهارده بلد في حتة تانية، إحنا بلد الكثيرون بيحسدونا، بيقولوا مصر إزاي بقت كده في السنوات دي، إحنا عشنا في فترات تاريخية، إحنا عارفين إن جوه البلد دي أعداء، وناس مش عايزه البلد، إن فيه ناس مش عايزة الحكم، وناس بتدور على مصالحها”.
بكري: إحنا بنقول اللي في قلبنا ومش خايفين من حد
وأضاف، خلال تقديمه برنامج حقائق وأسرار، والمذاع عبر قناة صدى البلد "إحنا بنقول اللي في قلبنا ومش خايفين من حد، إحنا خايفين على بلدنا، ووطننا، وعايزين البلد دي تقف على رجليها بجيش وشرطة وقيادة سياسية، وبكده هنقدر نعدي، غير كده، إحنا مستهدفين، وخلي بالكم من الخطر، الخطر قائم من كل اتجاه".
وتابع:" إحنا في الأزمات صوتنا بيبقى عالي، ومنحازين مع الشعب، في قانون الإيجار كان صوتنا مع الشعب، في مواجهة المؤامرات كان صوتنامع الشعب، في مواجهة التحديات اللي بتواجهنا كنا مع الشعب ومع الدولة، صوتنا مع الدولة مش معناها إنك بتطبل، لا لا أنت بتدافع عن بلدك.
وواصل "لما بنبقى مخنوقين من حاجة بنتكلم، إحنا ورا القيادة السياسية، والبلد دي لازم تكمل وتفضل واقفة ع رجليها، ولما بيكون فيه خطأ بنقول، ويا حكومة عدلي في المسار ده، لكن مش هنطلع نقول الدنيا سودا، ومش هنزايد على مصر".
