حياتي لم تبدأ بعد.. محمد عطية يثير الجدل بمنشور غامض
أثار الفنان محمد عطية الجدل بعدما نشر منشور غامض له عبر حسابه الرسمي على موقع تبادل الصور والفيديوهات إنستجرام، حيث نشر صورة وعلق عليها قائلًا: “حياتي لم تبدأ بعد .. هذا ما أقنعت نفسي به”.
محمد عطية يتحدث عن دور مصر في القضية الفلسطينية
في سياق منفصل، أثنى الفنان محمد عطية على دور مصر البارز في التعامل مع القضية الفلسطينية، مشيدًا بموقفها الحازم في مواجهة مخططات التهجير والضغوط الخارجية التي استهدفت الدولة المصرية.
وجاء ذلك في منشور له على حسابه الشخصي بموقع التواصل الاجتماعي "فيسبوك"، قائلاً: "اللي حصل ده مش سهل خالص يا جماعة، العالم كله كان بيضغط عليك عشان تنفذ خطة التهجير، مسخرين كل أدواتهم عشان يشوهوا صورتك، تخوين و شتيمة ليل و نهار، كل اللي حواليك باعوك ووافقوا على الخطة و تصفية القضية و انت حرفيا كنت لوحدك، و في النهاية كلامك هو اللي مشي".
محمد عطية يوجه رسالة إلي الجمهور
وأضاف الفنان محمد عطية موجهًا حديثه للجمهور: "اوعى تفتكر إن في حاجة بتحصل اعتباطا، ميعاد الاجتماع للمفاوضات، جايبهم عندك والبلد كلها بتحتفل بالانتصار عليهم، وظهور خليل الحية في عز الضهر على بعد كام كيلو منهم بعد التهديد ان هيتم اغتيالهم في اي حتة،ومش بس ظهر عادي كده لا ده بيعمل لقاء تليفزيوني، اللي هو أنا آهو لو دكر اعمل حاجة".
واختتم الفنان المصري محمد عطية حديثه بقوله: "كل دي حاجات مش سهلة، الطيارتين الحربيتين اللي طاروا في شرم رافعين علم مصر و فلسطين و الوفد لسه موجود، واستعراض فعلي للسيادة والقوة ومافيش حد في المنطقة يجرؤ يعمل ده غيرك"، لافتًا: "رفض دعوة ترامب مرتين و بعدين نجيبه عندنا، كل ده يخليك تعرف ان في النهاية انت الحقيقة الوحيدة في المنطقة، ماتسمحش لحد يزايد عليك بعد كده اللي حصل ده لا هو شعارات و لا تنمية وطنية، اللي حصل ده فعل و حاضر شفناه كلنا بعنينا.. الموضوع بكل اختصار يا سادة ان مصر بلد عظيمة، عظيمة جدا بس احنا ساعات بننسى ده".
