أنتي اللي عملتي في نفسك كده.. سما المصري تنتقد تسريب فيديوهات البنات
خرجت الفنانة سما المصري عن صمتها بعدما خرجت في مقطع فيديو لتعلق على ظاهرة تسريب فيديوهات للسيدات من أزواجهن، حيث نشرت تلك الفيديو عبر حسابها الرسمي على موقع تبادل الصور والفيديوهات إنستجرام.
أنتوا بتصوروا ليه؟
وقالت سما المصري في هذا الفيديو: “أنا مش هتكلم في حكاية أن فلانة اتسربلها فيديو أو فلان صور واحدة، أنا مبحبش أتكلم في الحاجات دي ربنا يسترها عالكل، بس الموضوع مستفزني جدًا، أنا عايزة اسال سؤال واحد وحد يجاوبني عليه من اللي بيصوروا، أنتوا بتصوروا ليه، أنتي دلوقتي مع جوزك، علاقة خاصة جدا بينك وبينه بتصوروا ليه انا نفسي أفهم، تلقى الرد أن واحد أو واحدة يطلع يقول علشان مراتي بتوحشني بتفرج عالفيديوهات، يعني هو ده الموضوع اللي هوحشك بيه، انا اعرف ان الحب الحقيقي لما يوحشني افتكر الذكريات المواقف الحلوة والمواقف الصعبة، يعني لو هو لما توحشيه يتفرج عالحاجات دي يبقى هو متجوزك عشان الحاجات دي بس، لو ده مش موجود مش هتوحشيه، يعني لو لقى واحدة أحسن منك في الحاجات دي هيسيبك، هو عذر أقبح من ذنب”.
سما المصري تنتقد السيدات الموافقات على هذا
واختتمت سما المصري حديثها قائلة: “كل واحد حر في حياته وفي اللي بيعمله، أنا عارفة التعليقات وهتقولولي أنتي مالك، أنا مالي فعلا، أنا بس نفسي أعرف انتي بتخليه يصورك ليه، مترجعوش تزعلوا وتعيطوا انتوا اللي بتعملوا في نفسك كده، ربنا يسترها عليكي ياللي طلعلك تسريب، واكيد في بنات كتير اتصورلهم ولسه مطلعلهمش تسريبات، افتكروا أن الحب هو اللي بيعلقنا ببعض والقعدة الحلوة مش اي حاجة تانية، أنتي يا فنانة اللي عملتي في نفسك كده، مش عايزة اقول تستاهلي عشان حرام”.
تعليق سما المصري على صورة عبد الفتاح السيسي وقرينته
في سياق منفصل، قد علقت الفنانة سما المصري على الصورة المتصدرة محركات البحث منذ أمس، وهي صورة السيدة انتصار السيسي وهي تنظر بكل حب إلي زوجها الرئيس عبد الفتاح السيسي، ونشرت سما المصري الصورة عبر حسابها الرسمي على موقع تبادل الصور والفيديوهات إنستجرام.
وعلقت سما المصري عليها قائلة: “فعلا الست لما تحب من قلبها بتبقي دي نظراتها لجوزها، حبته ولسه بتحبه رغم حمله التقيل، الصورة عجبتني دي صورة تريند الحفلة امبارح، وشفتوا نظره حب جوزها ليها، هي الرجاله بعد الجواز مابتبصلناش البصه دي ليه؟؟ بصة الحنية والحب والاحترام دي؟؟، إدي الرجالة والحريم العسل ولا بلاش”.
