بلدنا هتفضل كبيرة.. رامي جمال يوجه رسالة لجمهوره مع افتتاح المتحف الكبير
حرص المطرب رامي جمال على توجيه رسالة خاصة إلي جمهوره احتفالًا بافتتاح المتحف المصري الكبير، حيث نشر منشورًا يعبر فيه عن فخره واعتزازه بكونه مصري عبر حسابه الرسمي على موقع تبادل الصور والفيديوهات إنستجرام.
رسالة رامي جمال بالتزامن مع افتتاح المتحف المصري الكبير
وقال المطرب رامي جمال في منشوره: “أنا من بلد الفن والعلم والتاريخ، أنا من مصر العظيمة وشعبها العظيم القوي، بلد كبيرة لا بتخون ولا بتعادي، بلد فاتحة حضنها لكل الناس ولكل الجنسيات وشعبنا بيخلي اي ضيف يحس أنه في بلده ووسط اهله بلدنا اللي معرفوش يفرقو بين اهلها عشان احنا واحد، بلدنا كبيرة كانت وهتفضل كبيرة، يمكن في تحديات حوالينا وتحديات بنعيشها بس والله هنعدي وهتبقي اجمل بلد في الدنيا مصر كبيرة وشعبها عظيم مصر مش بتقلل من ولا دولة عشان مصر كبيرة وعظيمة، ربنا يحمي بلدنا ويحفظها ونشوفها كلنا زي ما بنحلم واكتر، محفوظة يا بلدي بحفظ الرحمن وبجيشك وشعبك، مصر التاريخ والحاضر وان شاء اللّٰه المستقبل ثقتي في ربنا كبيرة، ربنا يجعل كل ايامك أعياد، مصر وكفي، المتحف المصري الكبير”.
أغاني رامي جمال الشتوية
في سياق منفصل، أعلن المطرب رامي جمال عن طرح أحدث أعماله الغنائية وهما أول أغنيتين في ألبومه الشتوي، ويحملوا عنوان “قفل الكلام”، “مالها الدنيا”، وذلك من خلال حسابه الرسمي على موقع تبادل الصور والفيديوهات إنستجرام، حيث نشر مقطع فيديو ترويجي لكل أغنية بشكل منفصل.
فعلق المطرب رامي جمال على مقطع أغنية قفل الكلام قائلًا: “قفل الكلام وقفلني منه وصنفه كله بشكل عام، مبقتش أصدق أن لسه في ناس تمام، اسمعوا أغنية قفل الكلام دلوقتي على يوتيوب، من كلمات عليم، من ألحان مصطفى الشعيبي، ومن توزيع ومكس وماستر محمد ياسر”.
أما عن أغنية مالها الدنيا، فعلق على مقطع الفيديو التابع لها قائلًا: “مالها الدنيا في بعُدك عادي حلوة ولا اتهزيت، ده أنا مقعدتش بعد فُراقك يوم واحد في البيت، اسمعوا أغنية مالها الدنيا دلوقتي على يوتيوب، من كلمات أيمن عز، ومن ألحان محمود أنور، ومن توزيع ومكس وماستر محمد ياسر”.
