أحلى تريند السنة دي.. تامر حسني يشارك صورته بالزي الفرعوني
شارك الفنان تامر حسني صورته بالزي الفرعوني عبر حسابه الرسمي على موقع تبادل الصور والفيديوهات إنستجرام، ليعلن بذلك عن فخره واعتزازه بالحضارة المصرية القديمة.
فخر تامر حسني بالحضارة المصرية القديمة
وعلق تامر حسني على تلك الصورة قائلًا: “بشارك بأحلى تريند السنة دي اللي هيخلينا كلنا نشاور على حضارتنا الفرعونية، وكل حد فينا يتصور كواحد من الفراعنة القدماء المصريين اللي حيّروا التاريخ بقوتهم وبعلمهم اللي سابق كل العصور اللي جت بعدهم، فخور إن دي حضارتي، وكل الحب والتقدير والفخر بافتتاح المتحف المصري الكبير، وهو أكبر متحف في العالم”.
تفاصيل إصابة تامر حسني
في سياق منفصل، كشف الفنان تامر حسني عن إصابة ذراعه، وذلك من خلال منشورًا عبر حسابه الرسمي على موقع تبادل الصور والفيديوهات إنستجرام، حيث نشر صورة له وهو معلق ذراعه.
وعلق تامر حسني على الصورة موضحًا: “يا صباح الهنا، للي كان بيسأل و مهتم كتر ألف خيرك، دي عملية بسيطة في دراعي بسبب إني قررت أخس ١٥ كيلو، وغيرت شكل الرياضة خالص بقيت بلعب ألعاب تانية تماماً كلها fitness بس، بس الحماس خدني شوية و اتصابت فحصل اللي حصل والحمدلله كنت بلبس اللي في دراعي دي شوية و بشيلها، بس خلاص النهارده بالليل هشيلها خالص و شكراً حبايب قلبي على اهتمامكم، يارب مشوفش فيكم أي سوء”.
زيارة تامر حسني للطفلة ليلى محاربة السرطان
يُذكر أن النجم تامر حسني، كانت قد ظهرت آثار الإصابة على يده أثناء زيارته للطفلة ليلى محاربة السرطان، من أجل دعمها، وذلك منذ أيام قليلة، حيث سافر بصحبة الفنان الشاب مصطفى غريب، في زيارة خاصة لـ منزلها في شبين القناطر بمحافظة القليوبية.
ووجه تامر رسالة دعم لـ الطفلة ليلى محاربة السرطان كما غنى تامر حسني برفقتها أغنيته الشهيرة قدها، تشجيعًا منه على مواجهتها لمرض السرطان، وسط ترحاب كبير من عائلتها.
وكتب تامر حسني عبر حسابه الرسمي على إنستجرام : “رحلتنا مع ليلى القمر العسل دي أنا و حبيبي مصطفى غريب .. لما عرفت إنها بتتعالج و بتصارع المرض .. وطلبها تشوفني أنا ومصطفى زي ما كاتبة في الخبر .. بعت لمصطفى قولتله تيجي نفرحها و نروحلها فجأة؟”.
وتابع : “كتر خيره مترددش لحظه .. قالي هجيلك الصبح ونروح إن شاء الله .. ودورنا على العنوان وروحنالها فعلاً بيتها في محافظة القليوبية شبين القناطر .. ودي رحلتنا معاها لحظة بلحظة .. وآدي الفيديو يا لولا نزل عندي زي ما طلبتي .. ربنا يفرح قلبك يا حبيبتي .. ربنا يشفيكي يا حبيبتي .. إدعولها هي وكل اللي زيها”.
