بحضور أشرف زكي.. نجوم الفن يعزون فريدة سيف النصر بوفاة شقيقها

أقيم مساء اليوم عزاء الكابتن بدر الدين  شقيق الفنانة فريدة سيف النصر، مساء اليوم الإثنين، بمسجد عمر مكرم بمنطقة وسط البلد، والذي وافته المنية صباح أمس الأحد بعد صراع مع المرض.

وسيطرت حالة من الحزن على الفنانة فريدة و أسرة شقيقها الراحل أثناء العزاء، حيث لم يتمكن أبناء الراحل من السيطرة على دموعهم أثناء تلقي العزاء، وفي مشهد مؤثر حاول نجل الفنانة فريدة مواساة أبناء خاله ودعمهم.

وشارك الفنان أشرف زكي، نقيب الممثلين، في تقديم واجب العزاء للفنانة فريدة سيف النصر، في لفتة تعكس روح التقدير المتبادل والوفاء بينهم.

كما حرص على تقديم العزاء عدد من الفنانين والشخصيات العامة، الذين حرصوا على دعم ومساندة الفنانة فريدة وأسرتها في مصابهم، وكان من أبرز الحاضرين: الفنان إيهاب فهمي، والفنانة وفاء مكي، و أحمد مرتضى منصور.

سبب وفاة شقيق فريدة سيف النصر 

وقالت فريدة سيف النصر في البث المباشر: “الله جميل الله رؤوف الله رحيم، الله خلص أخويا من اللي كان فيه، شكة الإبرة بتضيع ذنب،  بدر رايح زي الفل، هو سلم هدومه للأرض خلاص، الله يسامح اللي كان السبب، كلها اقدار ومكتوبة، هو دخل المستشفى قلبه تعبه، طلع قلب وكبد وكلى ومرئ وكل حاجة، بطل يا حبيبي، أنا محتسباه عند الله من رجال الجنة واللهي، مكنش بيسيب فرض، كان بس بيدعي ربنا أنه يبلغه رمضان، أنا مؤمنة بقدر ربنا، الفراق وحش قلبي واجعني عليه، بس هو ارتاح، من الناس واللي بيجرى، اللي عايز يخلص من حد عزيز عليه يوديه مستشفى، في دكاترة كويسين بس كمان الله أعلم باللي بيتعمل، اللي حواليه هو اللي مش مرتاحين، سيبت فراغ جامد أوي يا بدر، أخر مرة سجلي دعاء بصوته في الإنعاش، بشكر كل اللي عزوني، عزائي اخدته من أهل الجنة، ربي قدر وما شاء فعل، أعرفوا أن الدنيا قصيرة أوي مهما إن طالت، حبوا بعض مفيش وقت للمشاكل والصراعات، اتقوا الله في نفسكم، قريبة أقرب مما نتخيل، الدنيا مفيهاش أي حاجة".

اللحظات الأخيرة في حياة شقيق فريدة سيف النصر

وكشفت فريدة سيف النصر عن اللحظات الأخيرة في حياة شقيقها، حيث قالت: "بدرأخويا مات أربع مرات جوا الإنعاش، مرة نص ساعة، ومرة 25 دقيقة، ومرة 10 دقايق، وآخر مرة 5 دقايق، ويرجع تاني، عشان كده كنا بنقول هيستنى بس خلاص مقاومته خلصت، كنت بطل يا حبيبي، وصعب أنك تتنسي، أنا بعزي نفسي وبعزي صحابه و ولاده ومراته الست المحترمة هالة اللي مسابتهوش لحظة، كلنا في ثواني في التراب وياريت عارفين امتى”.