منة القيعي بعد وفاة المصورين: الفساد مش استثناء دا سبب كل الحوادث دي
علقت الشاعرة منة عدلي القيعي على حادث وفاة المصورين ماجد هلال وكيرلس صلاح، اللذين لقيا مصرعهما إثر سقوطهما من أعلى ونش أثناء أداء عملهما في أوردر تصوير بأحد مصانع بورسعيد.
وكتبت القيعي في منشور له عبر حسابها على فيسبوك: لما تتكلم عن فساد معين، أو استغلال معين في وسط معين، عشان فيه حادثة بشعة حصلت عنوانها الفساد أو الإهمال أو الجشع، اللي هي حاجة موجودة في كل المجالات، وبديهية إن كل الناس تتعاون عشان تواجهها وتحاربها.
وتابعت: تلاقي حد بعيد، ماحدش كلمه ولا جه جنبه، عمال يقول: لا أنا كويس، لا انت اللي وحش! دا يبقى إيه يعني؟ مش فاهمة؟ وهل دا وقته أصلا؟"
وأضافت: ما يا حبيبي الكلام واضح، إحنا بنتكلم على الفسدة، انت مالك؟ لقفت الكلام في حجرك ليه؟ عامل حوار فرعي ليه دلوقتي؟ ما تخلينا نحاول نختص المتسبب في المشكلة يمكن، يمكن المرة دي يحصل واقفة.
واختتمت منشورها قائلة: ماكنتش فاكرة إني هضطر أوضح، إنه طبعًا يا جماعة في ناس محترمة، وإحنا بنتكلم بس عن الأشرار الوحشين التانيين.
وعلى صعيد آخر كشف المصور الصحفي كريم عبد العزيز، تفاصيل وفاة المصورين ماجد هلال وكيرلس صلاح، الذين توفيا قبل قليل.
وقال كريم عبد العزيز في تصريحات لـ نيوز رووم، إن ماجد هلال وكيرلس صلاح، توفيا في حادث بعد ذهابهما لأوردر تصوير خاص في بورسعيد لأحد المصانع هناك تابع لشركة صن كريت، وخلال العمل طلب منهم أن يصعدا على الونش للتصوير من أعلى إلا أنهما سقطا بشكل مفاجئ لعدم توفير إمكانيات الأمان لهما فلقيا حتفهما على الفور.
وكان كريم عبد العزيز قد نعهما وكتب: “لا حول ولا قوة الا بالله أخواتي في ذمة الله .. أقرب صحابي في غمضة عين راحوا”.
ونعى ماجد هلال أحد أصدقائه محمد خالد: “توفي الي رحمة الله تعالي اخويا وصديق الكفاح ماجد هلال اللهم اغفر له و ارحمه و ادخله فسيح جناتك اللهم اكرم نزله و وسع مدخله ربنا يثبته عند السؤال و يجعله ممن اختارهم شهداء في الجنة إن شاء الله يا رب اللهم آمين”.
وأضاف: “ربنا يرحمك ياصحبي سبتنا بدري أوي واحنا لسة بنحلم وبنجري مع بعض سبتنا لوحدنا بس سيرتك عمرها مهتفرقنا ربنا يرحمك مش مصدق إني بكتب الكلام دة عنك بس ربنا يرحمك ويجمعنا قريب نسيت أقولك كل سنة وانت طيب بس عيدك في الجنة ان شاء الله الرجاء الدعاء له بالرحمة”.
