بعد تعرضه لحادث .. الفنان علي رؤوف يطمئن جمهوره عليه
طمأن الفنان علي رؤوف، صاحب تريند أنا بشحت بالجيتار، جمهوره بعدما تعرض إلي حادث انقلاب سيارته، حيث نشر علي رؤوف منشورًا عبر حسابه الرسمي عبر موقع التواصل الإجتماعي فيسبوك.
علي رؤوف يطمئن جمهوره
حيث قال علي رؤوف في منشوره: “احبائي ومتابعيني تحية طيبة وبعد، احب اطمنكم عليا وعلي صحتي اني بخير الي حد ما، عندي بس شوية جروح وشرخ بسيط في منتصف القفص الصدري وكدمات شديدة في العمود الفقري، وبما اني صاحب الشأن بنفي اي خبر عن اني في حالة حرجة انا محتاج بس راحة من اسبوعين الي 3 اسابيع ، ومفيش داعي اني اتكلم عن الحادث او تفاصيله، اينعم كتير عنده فكرة ان دي اول عربية اجيبها في حياتي وكانت حلم من احلام عمري بس مدام جت في الحديد ف في ستين مليون دهية”.
علي رؤوف: “تحويشة سنين راحت”
واستكمل الفنان علي رؤوف قائلًا: “ومش محتاج اقول ان دي تحويشة سنين بس نقول ايه بقي غير اللي ايده في المية مش زي اللي ايده في النار، الخلاصة اني بخير الي حد ما ومش زعلان علي حاجة ومسيري اقوم بالسلامة وابدء من الصفر تاني، كل اللي انا طالبه علي قدر حبكم ليا اتمنولي الخير، لان اي نجاح انا بعمله هو حصاد 15 سنة مرمطة وتعب بلا راحة وتكاسل، واظن اي كرير في الدنيا محتاج تعب وكفاح، واحب ان احيط علم سيادتكم اني مش بتباها بممتلكاتي و خير دليل علي ذالك محدش يعرف اني كان معايا عربية اصلا ويوم ما انتشر الخبر كله شافها متدشملة في الحادث، لاني ديما براعي احتياج الغير للاشياء الثمينة ف مبحبش اخلي اي حد يستفذ بحاجة معايا هو نفسه فيها ودا من اصول تربيتي”.
علي رؤوف يشكر رجال الأمن
واختتم علي رؤوف حديثه قائلًا: “واخيرا شكر خاص لرجال الامن في محافظة السويس علي انقاذي انا واللي كانو معايا، شكرا لكل راجل محترم عنده نخوة ساعد في انقاذ حياتنا من الحادث شكر خاص لأطباء المجمع الطبي في السويس علي مجهوداتم العظيمة، شكر كبير جدا لكل اصحابي وحبايبي اللي كلموني وسألو عني وكانو معايا لحظة بلحظة لحد ما رجعت البيت، وعلي راسي كل اللي تلهف عليا وسأل عني وعن صحتي”.
