شيرين رضا: الزواج منظومة فاشلة عشان احنا كـ بني آدمين فاشلين

كشفت الفنانة شيرين رضا، رأيها الشخصي من الزواج، قائلة: "الزواج منظومة فاشلة عشان احنا كـ بني آدمين فاشلين وبنتجوز عشان أسباب كلها ملهاش علاقة بالجواز نفسه".

وقالت شيرين خلال حوارها ببرنامج ضيفي مع معتز الدمرداش على قناة الشرق: "الزواج منظومة فاشلة عشان احنا كـ بني آدمين فاشلين وبنتجوز عشان أسباب كلها ملهاش علاقة بالجواز نفسه ولها علاقة بالفلوس والشكل وعشان هي عايزة تهرب من بيت أهلها ولها علاقة بأنه هو عايز يكمل نص دينه زي ما بيقولوا".

وأضافت شيرين رضا: "يعني ملهاش دعوة بمنظومة الجواز الفعلية، انت المفروض بتتجوز حد انت مقتنع به ويشبهلك وبيفكر نفس التفكير عشان تبنوا أسرة والأسرة دي تبني المجتمع".
 

في سياق آخر، كشفت الفنانة شيرين رضا عن تفاصيل دورها في فيلم "في عز الضهر"، حيث ظهرت بشخصية تحمل ملامح الشر، في خروج واضح عن الأدوار التي اعتاد عليها الجمهور منها، مشيرة إلى أن هذا النوع من التحدي هو ما يدفعها للاستمتاع بالتمثيل وتقديم أدوار بعيدة عن طبيعتها.

وعبّرت شيرين رضا خلال لقائها مع الإعلامية منى الشاذلي، ببرنامج “معكم منى الشاذلي”، المذاع عبر قناة on، عن دهشتها من مدى تقبّل الجمهور لظهورها بدور يحمل طابعًا شريرًا، قائلة: "أنا نفسي ما كنتش متخيلة أعمل كده، بس واضح إن الشر لايق عليا بس انا في الحقيقة مش كدا، وأنا وشي معروف إنه كيوت طول عمري، بس لما بعمل مشهد شرير بيطلع طاقة مختلفة جوايا".

وأكدت أن قبولها لهذا الدور جاء من رغبتها في التنوع والتجديد، قائلة: "لما أشتغل، بحب أقدم حاجة مختلفة عني، ما تشبهنيش، عشان يبقى في تمثيل وتحدي حقيقي، مش مجرد تكرار لشخصية لطيفة".