عمرو أديب: "إحنا معندناش أحزاب.. بره النائب بيواجه الحكومة مش بيبرر لها"

أطلق الإعلامي عمرو أديب خلال حلقة جديدة من برنامجه "الحكاية"، المذاع عبر قناة MBC مصر، تصريحات قوية انتقد فيها غياب الدور الحقيقي للأحزاب السياسية في مصر، مشيراً إلى أن المواطنين باتوا في حاجة إلى من يتحدث باسمهم ويفسر القرارات الحكومية بوضوح، بدلاً من الاكتفاء بردود الأفعال الهادئة أو التبريرية.

غياب الصوت المعارض

قال أديب: "أنا مش هقولك أحزاب.. أحزاب إيه؟ إحنا معندناش أحزاب  بره في أي بلد، النائب أو الحزب بيقف قدام الناس يقولهم الحكومة زوّدت البنزين، بس هنعمل كذا وكذا، وده سبب القرار، لكن هنا مفيش حد بيكلم الناس."

وأوضح أن غياب الأحزاب جعل المواطن المصري يشعر بالعزلة السياسية، فلا يجد من يعبّر عن موقفه أو يطرح تساؤلاته، مضيفاً: "الناس محتاجة تسمع تفسير مش تبرير.. محتاجة حوار مش شعارات."

أديب: الناس على آخرها وتحتاج من يكلّمها

تابع الإعلامي قائلاً إن الشارع المصري يعيش حالة من الضغط الاقتصادي الكبير بعد قرارات زيادة أسعار الوقود الأخيرة، مؤكداً أن الوضع يحتاج إلى تواصل مباشر من المسؤولين مع المواطنين.
وأضاف: "يا جماعة في ناس قاعده على آخرها.. افتحوا واتكلموا معاهم. الوزير، ورئيس الوزراء، ووزير التموين، ووزير البترول، والجمعيات الأهلية.. كل دول لازم يكلموا الناس، يشرحوا مش بس يقولوا قدر الله وما شاء فعل."

السياسة مش اقتصاد بس

وأشار أديب إلى أن القرارات الحكومية لا يمكن أن تُدار بمنطق الأرقام وحدها، قائلاً: "الاقتصاد مهم، لكن في حاجة اسمها السياسة.. لازم الناس تحس إن في حوار، إن في مناقشة قبل القرارات مش بعدها."
وأكد أن الصراحة مع المواطنين لا تضعف الحكومة، بل تزيد من ثقتهم فيها، موضحاً: "الناس مش ضد البلد.. الناس عايزة تفهم، عايزة تحس إن صوتها مسموع."

احترام الشعب المصري

واختتم أديب حديثه قائلاً: "إحنا شعب محترم، صبور، جبار، لكن محتاجين اللي يكلمنا بصراحة  مش كل مرة نقول دي أزمة وتعدي.. لازم يكون في نظام سياسي بجد، في أحزاب بجد، عشان الناس تلاقي اللي يمثلها ويتكلم باسمها."

وفي نفس السياق ،علّق الإعلامي عمرو أديب على قرار رفع أسعار المواد البترولية الذي أُعلن ، مؤكداً أن الزيادة لم تكن مفاجأة لكنها جاءت «مؤلمة» للمواطنين، خاصة الطبقة المتوسطة التي أصبحت تعاني من ضغط المعيشة وغلاء الأسعار.