عمرو أديب ينتقد زيادة أسعار البنزين: «صندوق النقد ما طلبش من مصر تعمل كده»
وجه الإعلامي عمرو أديب انتقادات لاذعة للحكومة بعد إعلان زيادة أسعار البنزين والوقود في مصر، معبّراً عن استغرابه من توقيت القرار الذي وصفه بأنه «غير مناسب تماماً»، خاصة بعد فترة قصيرة من حالة التفاؤل التي عاشها الشارع المصري بسبب استقرار سعر الدولار وتراجعه عالميًا.
وخلال تقديمه برنامج "الحكاية" على قناة MBC مصر، قال أديب : "مكنتش قادر تأجل الموضوع ده شوية؟!.. ده الناس لسه كانت فرحانة بيك من يومين، وبعدين هو مش الدولار نزل وأسعار المحروقات بتنزل عالمياً؟!.. عندنا الأسعار بتزيد ليه؟".
وأوضح الإعلامي أن الزيادة الأخيرة في أسعار الوقود لم تكن متوقعة بهذا الشكل، وأنها ستنعكس بشكل مباشر على أسعار السلع والخدمات كافة، قائلاً:"أي زيادة في البنزين معناها إن في موجة غلاء جاية، لأن كل حاجة بتتنقل، وكل حاجة بتتأثر، وده المواطن هو اللي هيدفع تمنه في الآخر".
تداعيات اقتصادية تطال المواطن
وأشار أديب إلى أن ارتفاع أسعار الوقود سيكون له تأثيرات متسلسلة على حياة المواطنين، موضحاً أن التجار سيستغلون القرار لرفع الأسعار بشكل أكبر من المتوقع ، وقال: "يعني مثلاً بتاع الفراخ قالك هرفع الأسعار، والتجار أقوى من الحكومة، ومحدش يقدر يقف قدامهم، لأن كل واحد عنده مبرر يقول بيزود عشان البنزين".
وتابع مؤكداً أن المواطن البسيط هو الطرف الأكثر تضرراً من هذه القرارات، مشيراً إلى أن نسبة كبيرة من دخل الأسر المصرية أصبحت تذهب لتغطية فواتير الكهرباء والمياه والوقود ،وأضاف: "أنا كمواطن لما أكتر من نص دخلي بيروح في البنزين والكهرباء والمياه.. الناس تعمل إيه؟".
رسالة للحكومة: اسمعوا صوت الشارع
وانتقد أديب ما وصفه بـ"غياب الحس الشعبي" في اتخاذ مثل هذه القرارات، مشدداً على ضرورة مراعاة التوقيت والظروف الاقتصادية الصعبة التي يمر بها المواطن ، وقال: "كان ممكن تأجلوا القرار شوية، الناس لسه مش مستوعبة زيادات الأسعار اللي فاتت، والشارع مش ناقص موجة جديدة من الغلاء".
وأضاف متسائلاً: "وبعدين صندوق النقد نفسه قال محدش طلب من مصر تعمل كده!.. يبقى ليه إحنا بنسبق؟ وليه القرارات دي بتيجي فجأة؟".
اختتم عمرو أديب حديثه بالتأكيد على أن الحكومة مطالبة بتقديم خطط واضحة للتخفيف عن المواطنين بعد هذه الزيادة، محذراً من أن استمرار الضغوط الاقتصادية قد يؤدي إلى موجة غضب في الشارع.
وقال:"الناس محتاجة تطمن، محتاجة تشوف خطوات حقيقية لتحسين معيشتها، مش قرارات تزيد العبء عليها يوم بعد يوم".
