أغنية بتمثل ذوقي.. كريم محسن يعلن عن طرح أغنية يادي الكسفة
أعلن الفنان كريم محسن عن طرح أغنية يادي الكسفة الأغنية الثالثة من ألبومه الغنائي الجديد، ومن المقرر أن يتم طرحها الليلة في تمام السابعة مساءًا، حيث نشر البرومو الخاص بالأغنية عبر حسابه الرسمي على موقع تبادل الصور والفيديوهات إنستجرام.
موعد طرح أغنية يادي الكسفة
وعلق كريم محسن على تلك الفيديو قائلًا: “يادي الكسفه أغنيه بتمثل ذوقي شخصياً، وبتعبر عن مزيكتي إللي إتربيت عليها و إتعلمتها من أساتذتي الكبار، وطبعاً كل واحد فينا في مرحلة في حياته عاش حلاوة البدايات، و إللي بيحصل في النهايات، إن شاء الله هتعجبكم، إن شاء الله نازلة أنهاردة الساعة 7، ومبسوط جداً إن دي رجعتي بعد سنين طويلة مع أخويا و حبيبي الموزع الكبير (تميم) إللي نجحنا و كسرنا الدنيا سوا بأغاني زي (إحساسي - كل الكلام - ياما قلبي إستناك)، معلش طولت عليكم وعايز الأغنيه دي تبقى ترند ١ .. سلام”.
وتعد أغنية يادي الكسفة من كلمات أسامة حسن، ومن ألحان مصطفى عصام، ومن توزيع و ميكساج تميم، وكليب عبيد الحربي، وكليب ريلز أيمن نور، ورؤية فنية تحت إشراف هالة دعبس.
كريم محسن يتصدر التريند
في سياق متصل، أعرب الفنان كريم محسن عن سعادته بعد تصدره تريند يوتيوب بالسعودية بسبب أحدث أعماله الغنائية التي تحمل عنوان “ماخلصتش الحكاية”، حيث نشر بوستر الأغنية عبر حسابه الرسمي على موقع تبادل الصور والفيديوهات إنستجرام، وعلق قائلًا: “ترند السعودية .. شكراً ليكم يا حبايب قلبي .. وعقبال كل البلاد”، وتعد أغنية ماخلصتش الحكاية من كلمات سارة فرج، ومن ألحان معاذ زين، ومن توزيع رامي نوار.
كلمات أغنية ماخلصتش الحكاية
وجاءت كلمات أغنية ماخلصتش الحكاية، على النحو التالي:-
مخلصتش الحكاية كده، ولا دي نهاية القصة، هيرجع حتى لو راح فين، ويترجاني على فرصة، مسيره يلف ويجيلي، مسير الحي يتلاقى، وهبقى في عينه حلم بعيد، ويبقى في عيني ولا حاجة، ماهي الدنيا مش سايبة، ولا ماشية كده وخلاص، وبكره يلف 100 دايرة، وهيدوَّر ما بين الناس، عليّا لكن ما فيش فايدة، لا هيطول حب ولا إحساس، ما خلصتش وما بينّا حساب، وجاي اليوم وهنصفيه، ما حدش يوم أذى ولا ساب، ما حسش وجعت اللي اذيه، وكل اللي اتعمل فيا، هيتعادله بتفاصيله، وعارف بكره هيشوف إيه، ومن دلوقتي بدعيله، ماهي الدنيا مش سايبة، ولا ماشية كده وخلاص، وبكره يلف 100 دايرة، وهيدور ما بين الناس، عليّا لكن ما فيش فايدة، لا هيطول حب ولا إحساس، ومخلصتش الحكاية كده، ولا دي نهاية القصة، هيرجع حتى لو راح فين، ويترجاني على فرصة، مسيره يلف ويجيلي، مسير الحي يتلاقى، وهبقى في عينه حلم بعيد، ويبقى في عيني ولا حاجة".
