هسيبله ذكرى.. كريم محسن يعلن عن طرح ثاني أغاني ألبومه
أعلن الفنان كريم محسن عن إطلاق ثاني أغنياته في ألبومه الغنائي الجديد، حيث نشر البوستر الرسمي للأغنية عبر حسابه الرسمي على موقع تبادل الصور والفيديوهات إنستجرام.
بوستر أغنية هسيبله ذكرى
وعلق كريم محسن على المنشور قائلًا: "هسيبله ذكرى، تاني أغاني ألبومي بكرا إن شاء الله الساعه 6، أغنيه بحبها أوي و متأكد إنكم هتحبوها إن شاء الله و في مفاجأه حلوه يوم الخميس، كلمات : محمد عبد الرحمن، ألحان : معاذ زين، توزيع و فواصل موسيقيه : رامي نوار، ميكساچ و ماستر : رامي نوار، بوستر : meemsart".
كريم محسن يتصدر التريند
في سياق متصل، أعرب الفنان كريم محسن عن سعادته بعد تصدره تريند يوتيوب بالسعودية بسبب أحدث أعماله الغنائية التي تحمل عنوان “ماخلصتش الحكاية”، حيث نشر بوستر الأغنية عبر حسابه الرسمي على موقع تبادل الصور والفيديوهات إنستجرام، وعلق قائلًا: “ترند السعودية .. شكراً ليكم يا حبايب قلبي .. وعقبال كل البلاد”، وتعد أغنية ماخلصتش الحكاية من كلمات سارة فرج، ومن ألحان معاذ زين، ومن توزيع رامي نوار.
كلمات أغنية ماخلصتش الحكاية
وجاءت كلمات أغنية ماخلصتش الحكاية، على النحو التالي:-
مخلصتش الحكاية كده، ولا دي نهاية القصة، هيرجع حتى لو راح فين، ويترجاني على فرصة، مسيره يلف ويجيلي، مسير الحي يتلاقى، وهبقى في عينه حلم بعيد، ويبقى في عيني ولا حاجة، ماهي الدنيا مش سايبة، ولا ماشية كده وخلاص، وبكره يلف 100 دايرة، وهيدوَّر ما بين الناس، عليّا لكن ما فيش فايدة، لا هيطول حب ولا إحساس، ما خلصتش وما بينّا حساب، وجاي اليوم وهنصفيه، ما حدش يوم أذى ولا ساب، ما حسش وجعت اللي اذيه، وكل اللي اتعمل فيا، هيتعادله بتفاصيله، وعارف بكره هيشوف إيه، ومن دلوقتي بدعيله، ماهي الدنيا مش سايبة، ولا ماشية كده وخلاص، وبكره يلف 100 دايرة، وهيدور ما بين الناس، عليّا لكن ما فيش فايدة، لا هيطول حب ولا إحساس، ومخلصتش الحكاية كده، ولا دي نهاية القصة، هيرجع حتى لو راح فين، ويترجاني على فرصة، مسيره يلف ويجيلي، مسير الحي يتلاقى، وهبقى في عينه حلم بعيد، ويبقى في عيني ولا حاجة".
