حالتها صعبة جدا.. إنجي عبد الله تكشف تطورات حالتها الصحية |خاص
كشفت الفنانة إنجي عبد الله عن تطورات حالتها الصحية، وذلك في تصريحات خاصة لـ موقع نيوز رووم، حيث قالت: “تعبانة جدا جدا مش قادرة احكى”، مما يعكس عن مدى شدة مرضها، وعدم تحسن حالتها حتى الآن.
تفاصيل مرض إنجي عبد الله
في سياق متصل، قد طالبت رشا سامي العدل، الدعاء للفنانة إنجي عبد الله، بالشفاء في ظل الأزمة الصحية التي تعاني منها، حيث كانت قد أعلنت مؤخرًا معاناتها من ورم حميد في جذع المخ.
وكتبت رشا سامي العدل عبر حسابها بموقع التواصل الإجتماعي فيسبوك: “البوست ده مهم جداً ليا، إنجى محتاجة دعوات من كل الناس اللي يعرفها ومايعرفهاش وأختها كمان محتاجة دعوات كتير، أنا أعرف إنجي من حوالي ٢٥ سنة من أيام ما فازت بملكة جمال مصر وكانت بنوتة قمر وشقية بس طول عمرها طيبة وبتحب الحياة وعمري ما شوفت منها حاجة وحشة”.
وأضافت رشا سامي العدل: “إنجى دلوقتي بتعانى من ورم في جزع الدماغ و علشان اتعرضت لإشعاع و كيماوي قبل كدة الدكاترة توصلوا ان ماينفعش تعملهم تاتى لان ده هايأثر عليها بالسلب في الحركة وفي التنفس ف للأسف في إستحالة حاليا للعلاج الجزري و مكتفيين بحاجات بسيطة تقلل من الأعراض، اخت إنجى اللي واقفة جمبها حاليا هي نفسها عندها ورم في الرئة والمخ، الاثنين الله يكون في عونهم و معاهم ويخفف عنهم و يشفيهم”.
وتابعت: “كل اللي بطلبه من كل الناس اللي يشوفوا البوست ده انهم يدعولهم كتير من قلبهم لعلها ساعة إستجابة وربنا قادر علي كل شيء، اللهم ارنا عجائب قدرتك واشفي إنجى وأختها وخفف آلامهم وعافيهم يا رب”.
تعليق إنجي عبد الله
بينما كتبت إنجي عبد الله عبر حسابها الرسمي بموقع التواصل الإجتماعي فيسبوك: “عدى ٦ شهور بحاول اتعالج للمرة الثانية من ورم في جذع المخ، وهو مش سرطان، هو ورم حميد، لكن موجود في أخطر مكان في المخ، للأسف كل الدكاترة في مصر وبره مصر، أساتذه في مجال الأورام والمخ والأعصاب، رفضوا يعالجوني، لانى اخدت كل جلسات الاشعاع والكيماوي المسموح ليا وللمكان الصعب ده سنه 2019 وكنت فاكرة خلاص أنا تمام، لكن للأسف رجعت لي اعراض اسوء بكتييير من زمان”.
