ياسمين عز: مصر صعدت كأس العالم.. تعظيم سلام لكل الأبطال!
أكدت الإعلامية ياسمين عز أن تأهل منتخب مصر إلى نهائيات كأس العالم يعد إنجازًا عظيمًا يستحق الفخر، مشيدة بالأداء البطولي للجهاز الفني بقيادة العميد حسام حسن واللاعبين الذين أسعدوا الجماهير المصرية.
وقالت خلال تقديمها برنامج «كلام الناس» المذاع عبر قناة MBC مصر: “مصر صعدت كأس العالم.. تعظيم سلام! كل اللي اتقال إشاعات، العميد ومحمد صلاح إخوات، ومفيش أي خلافات زي ما الناس كانت بتقول".
"مين عنده صلاح ومرموش وتريزيجيه زينا؟!"
واصلت ياسمين حديثها قائلة: “لا تقولي برازيل ولا إيطاليا، مين عنده صلاح ومرموش وتريزيجيه زينا؟ دول رجالة وشرفونا، واللي بيهاجم حسام حسن أهو اتأهل، وخلينا نفتكر إننا دايمًا بنوصل عشان عندنا عزيمة مش عادية".
وأضافت أن الفوز والتأهل لم يأتيا من فراغ، مؤكدة أن المنتخب المصري يمتلك شخصية قوية وثقة في النفس تجعله دائمًا في الصفوف الأولى إفريقيًا وعالميًا.
"احنا رايحين أمريكا عشان نكسب"
قالت الإعلامية: "إحنا مش رايحين نشارك وخلاص.. إحنا رايحين أمريكا عشان نكسب ونفرّح الناس. ومحدش يقولي إحنا لاعبنا فرق صغيرة، إحنا طول عمرنا بنتأهل وبنثبت نفسنا".
ودعت الجمهور إلى دعم المنتخب وتشجيع اللاعبين في المرحلة المقبلة، مؤكدة أن المنتخب يستحق كل تقدير على الجهد والالتزام.
نصيحة ياسمين عز لمحمد صلاح
واختتمت ياسمين عز حديثها برسالة طريفة إلى نجم المنتخب المصري محمد صلاح قائلة: “نصيحة مني يا صلاح.. قبل كأس العالم بثلاث شهور، متلعبش مع أي فرقة فيها راموس! الواد ده بيغير منك، وابعد عنه خالص”.
وفي وقت سابق ،وجهت الإعلامية ياسمين عز خلال برنامجها كلام الناس المذاع على شاشة MBC مصر مجموعة جديدة من النصائح للزوجات، ركزت فيها على ضرورة أن يحظى الزوج باهتمام خاص داخل البيت، مؤكدة أن كثيرًا من النساء يضعن كل طاقتهم في رعاية الأبناء وينسين أزواجهن.
وقالت عز: "أنا عمري ما شوفت واحدة بتجهز سفرة متكاملة لجوزها، لكن بشوف ده مع العيال عاملي جوزك أحسن من ابنك، لأن ابنك في النهاية هيكبر وهيكون له حياته الخاصة، لكن جوزك لو ما لاقاش الاهتمام ممكن واحدة تانية تاخده منك".
