هند عبد الحليم: التعليقات السلبية على السوشيال ميديا بتأثر عليا
كشفت الفنانة هند عبد الحليم تأثير التعليقات السلبية عليها، مشيرة إلى أنها تؤثر عليها كثيرًا.
وقالت هند عبد الحليم خلال استضافتها مع يوسف التهامي وفانا إمام في حلقة اليوم الثلاثاء من برنامج «عيش صباحك» على «نجوم إف.إم»: التعليقات على مواقع التواصل الاجتماعي بتأثر عليا ولو في بني آدم قال لك مبتأثرش أكيد بني آدم مش حقيقي.مبقتش بتأثر زي الأول، بس ممكن ييجي تعليق يبقى مؤذي.في ناس مؤذية جدا، وأنا معملتش لك حاجة أو أنت متعرفنيش، أنت شايف أن ده من حقك ؟ .. لا مش من حقك.
هند عبد الحليم تتحدث عن مشاركتها في حكاية ديجافو
وتحدثت هند أيضًا عن مشاركتها في حكاية ديجافو من مسلسل «ما تراه ليس كما يبدو»: مشيرة إلى أنها أحبت الشخصية: “دور في المسلسل كان مؤثر لأنها بنت بتحب أخوها وبتساعده حتى في الحاجاة الغلط، لحد ما بتدفع تمن وذنب مش ذنبها، والفكرة عجبتني وكانت جديدة عليا، وهي شخصية طيبة ومن كتر طيبتها ممكن تؤذي نفسها وهي مش مدركة لكنها بتدرك في الآخر وبتتعلم”.
وأضافت هند عبد الحليم أنها واجهت صعوبة في عدد من المشاهد: “كان فيه أكتر من مشهد صعبين منهم لما أخوها بييجي ومعاه مراته اللي ماتت في الحادثة وعاوز يدفنها، وفيه مشهد لما بتسأله عملت إيه في موسى يا سيف، علشان ده كان مشهد نقطة تحول في شخصيتها”.
