فوتوسيشن خطوبة يشعل غضب عائلة عبد الحليم حافظ.. تفاصيل
هاجمت عائلة المطرب عبد الحليم حافظ متابع، وذلك بعدما طلب أن يحجز منزل عبد الحليم حافظ لعمل فوتوسيشن لخطوبته، حيث نشرت عائلة عبد الحليم حافظ منشورًا عبر صفحة المنزل على موقع التواصل الإجتماعي فيسبوك، وكشفت عن إستيائها.
إنزعاج عائلة عبد الحليم حافظ
حيث قالوا: “طب بزمتكم دة أقولوا ايه؟؟!! .. أنا والله بطلت أرد على المكالمات و الرسايل و لا حتي بقيت بشوفها لأن ناس كتيير بقي معندهاش فعلاً دم .. يعني أعلنا إننا خلاص قفلنا الحجز .. لأن المواعيد كلها أتحجزت لنص شهر ١١ و أننا هنفتح تاني الحجز يوم ٨/١١ .. و بردو مافيش فايدة أكتر من ٢،٣٠٠ رسالة مفتحتهاش كلهم عايزين يحجزوا .. والنهاردة مثلاً مكلمني الساعة ٤ الفجر رقم ٣ مرات واحدة علشان تسأل عن الزيارة .. و واحد تاني مش مصري مكلمني الساعة ٨ الصبح رديت .. و بعد كدة قفلت السكة في وشة و كل يوم علي هذا المنوال..”.
رد عائلة عبد الحليم حافظ على طلب متابع
واستكملت صفحة منزل عبد الحليم حافظ قائلة: “هو دة يتحسب علينا بني أدم اللي يصحي الناس الساعة ٤ الفجر علشان يستظرف و لا الأستاذ اللي عايز يعمل فوتوسيشن لخطوبتة في منزل حليم .. و مهازل كتير بتحصل و كأن عيلة حليم مش وراها حاجة في حياتها غير أنها بس ترد علي تليفونات و تستقبل الناس .. الرحمة و الأحترام أحنا مش مجبرين ندخل حد أصلاً المنزل .. و بنعمل كدة علشان الناس تتبسط و نحافظ علي تاريخ حليم .. بس اللي بيحصل دة كتير و عيب و محدش يقوللي أصل و فصل .. أحنا أعلنا عن فتح الحجز و موعده و بعد كدة قفل الحجز و الموعد الجديد، نعمل أيه تاني مش فاهم !!”.
نفاد جميع مواعيد حجز فندق عبد الحليم حافظ
في سياق متصل، أعلنت أسرة عبد الحليم حافظ منذ لحظات عن استنزاف جميع مواعيد الحجز في فندق عبد الحليم حافظ، وذلك من خلال الحساب الرسمي لمنزل عبد الحليم حافظ على موقع التواصل الإجتماعي فيسبوك، حيث قالوا: “تم استنزاف جميع المواعيد وحتى يوم 13 نوفمبر .. في أقل من ساعة .. سيتم فتح الحجز للمواعيد الجديدة يوم السبت 8 نوفمبر 2025 .. لتضم النصف الثاني من شهر نوفمبر .. والنصف الأول من شهر ديسمبر بإذن الله .. بعتذر للي ملحقش يحجز”.
