مكون من 15 حلقة .. تفاصيل مسلسل "القرموطي عامل قلق " في رمضان 2026
تعاقد الفنان أحمد آدم علي عمل درامي جديد يحمل عنوان «القرموطي عامل قلق»، ومن المقرر عرضه ضمن سباق دراما رمضان 2026 المقبل، وتواصل الجهة المنتجة إنهاء تعاقدات جميع أبطال العمل لتحديد موعد بدأ التصوير .
تفاصيل مسلسل «القرموطي عامل قلق»
مسلسل «القرموطي عامل قلق» من تأليف محمد محرز وإخراج أحمد عبد العال، وهو مكون من 15 حلقة، ومازال صناعه في مراحل التحضير الأولية له.
ومن ناحية أخرى، انتقد الفنان أحمد آدم السوشيال ميديا، مشيرًا إلى أن علاقته بها تحمل الكثير من التحفظ، مستنكرًا من اجتياح الآراء وتصديقها دون تفكير.
الناس بتصدق أي حاجة دلوقتي وفيه هبل
وقال آدم خلال استضافته في برنامج أسئلة حرجة مع الكاتب مجدي الجلاد: “علاقتي بالسوشيال ميديا فيها تحفظ، الناس بتصدق أي حاجة دلوقتي وفيه هبل وتصديق غريب، مع أن واحد فيسلوف اسمه جورج كارلين قال: علموا أولادكم القراءة وعلموهم أيضًا أن يشككون في كل ما يقرأون. لكن دلوقتي أي حد بيقرأ أي حاجة زي ما يكون بيتلكك وبيصدق الحاجة الوحشة ويجي على الحاجة الصح مش عاوزة يصدق وعامل نفسه عارف وفاهم وهو حمار.. فيه تركيبة كده ممكن تدمر أي مجتمع”.
وأضاف أحمد آدم: “الجاهل الصادق والغبي اللي عنده ضمير أصبحوا موجودين بوفرة حاليًا، محدش عاوز يفكر والتفكير متحرم عليهم. زي ما يكون حد قالهم التفكير حرام..وأنا مش بتأثر بآراء السوشيال ميديا”.
أنا نفسي أعمل عيد الصمت
وتابع أحمد آدم ساخرًا: “دلوقتي اللي يكتب حاجة ويجيلوا عليها 14 لايك عاوز يشتري أبونا بيهم.. هما الـ 14 لايك يخلوك محلل سياسي ورياض وبتدي رأيك في الناس وعالم نفس وفيسلوف؟ إحنا جهلة كلنا.. سقراط قال كلما ازددنا علما كلما ازددنا جهلًا.. تواضع مش كده. أنا نفسي اعمل عيد الصمت. يوم نسكت فيه. والمصحف نبقى اليابان تاني يوم. هنتنقل نقلة تانية. وأقترح اليوم ده يكون يوم 28 بعد يوم المسرح العالمي”.
آخر أعمال الفنان أحمد آدم
تجدر الإشارة إلى أن آخر أعمال الفنان أحمد آدم فيلم تاني تاني، الذي عُرض العام الماضي، وشارك فيه مع النجمة غادة عبد الرازق والفنان بيومي فؤاد وثراء جبيل ومحمود حافظ وغيرهم، ومن إخراج شريف إسماعيل.
