يارا تامر عن شقيقة مسلم باكية : حسبي الله ونعم الوكيل ومش هتنازل عن كرامتي
خرجت يارا تامر، طليقة المطرب مسلم، للهجوم على شقيقته آية زكريا، مؤكدة على اتخاذها الإجراءات القانونية ضدها، وذلك من خلال لايف عبر حسابها على إنستجرام.
طليقة مسلم : مش هسكت عن حقي
وقالت يارا خلال اللايف : “مش هسكت عن حقي .. ومش هتنازل عن كرامتي علشان حد .. نزلت فيديو عندي وهي بتتكلم في شرفي من سنة ونص .. وماسكتتش غير لما خربت بيتي .. ونزلت صور علشان مش عايزاني أرجع لمسلم .. بس أشبعي به وهو عارفكم على حقيقتكم من بدري .. وهو أتبرا منكم .. ومسلم لو عنده مشكلة في نفسيته أنتم السبب .. أنتم عالم زبالة وده جحود وأنتم عالم جاحدة”.
محدش وقف معاه في المستشفى غيري
وواصلت : “محدش وقف معاه في المستشفى غيري .. وأنتم استفدتوا إيه .. وهو عمره ما خانني ولا عمل حاجة وحشة .. وليه تخربوا بيتنا ؟ .. استفادتوا إيه ؟ .. انتي كافرة وربنا هيولع فيكي وانتي في الأرض .. وحسبي الله ونعم الوكيل فيكي”.
شقيقة مسلم تهاجم طليقته يارا تامر
وكانت قد هاجمت آية زكريا، شقيقه مطرب المهرجانات مسلم، طليقة أخيها، مؤكدة أنها لم تعد قادرة على السكوت بعدما شعرت بالظلم، وواصفة طليقة مسلم بالكذابة وأن دافعها المال والريتش.
وقالت آية في ستوري إنستجرام : "انتو اللي وصلتوني لكده لما اشوف اني مظلومه وساكته فعلا وانتو تصدقو شخصيه كدابه وعيزا تخلص على اخويه هحارب حته لو فيها موتي، كونتي بتعملي كل ده عشان الرتش والفلوس ومالو، بس تبلي غيرك اللي شقيان بالحلال يبقا نتكلم لا وهنسمع كمان".
وطالبت شقيقة مسلم الجمهور بعدم الانخداع بها، وتحديد من يكسبون بالغش ومن يكسبون بالحلال، قائلة : "تعالي بقا نتكلم عن الجوع - والفلوس والرتش والشهر والكلام الحلو ده، صدقيني انا كونت سكتها عشان اخويه بس والله والله مخليكي انتي حد يبص في وشك واه بنسبا لناس !؟، الناس دي غلابه ي ماما بيضحك عليهم من وحده زباله زيك، ده انا هنزل كل حاجه وبدال هما شايفني خرابه وكل الكلام الحلو ده يبقا حقيقه بقا، واهو على الأقل ابقي اثبت وبدافع عن نفسي".
كما قالت آية زكريا من خلال الاستوري : "انتي بتقولى إنك اتجوزتي أخويا بس وانا بقولك انك اتجوزتى ٤ مرات وهطلع كل حاجة بالمستندات”، ولم تكتف آية بهذا الأمر بل قامت بنشر صور ليارا مع رجال آخرين غير مسلم فى اشارة منها لعلاقتها بهم قبل الزواج.
