بعد خبر انفصاله.. رسالة خاصة من"الستات" إلى المطرب مسلم
أثار خبر طلاق المطرب الشاب مسلم من زوجته يارا تامر بعد مرور أربعة أشهر فقط على زواجهما، حالة من الجدل والحزن بين الجمهور، خاصة أن الطرفين كانا يبدوان في حالة من التفاهم والانسجام، مما جعل الانفصال مفاجئًا للجميع ،وقد تناول برنامج "الستات" المذاع عبر قناة النهار، والذي تقدمه الإعلاميتان مفيدة شيحة وسهير جودة، هذا الملف الحساس برسالة إنسانية مباشرة، ووجها انتقادًا شديدًا لتدخل الأهل في حياة الزوجين.
مفيدة شيحة: الطلاق ليس بسبب مشاكل بين الزوجين
أكدت الإعلامية مفيدة شيحة أن طلاق المطرب مسلم لم يكن نتيجة خلافات بينه وبين زوجته، بل جاء بسبب تدخل الأهل بصورة مبالغ فيها، قائلة:"محدش عارف إن الطلاق ده مش سببه مشاكل بين الزوجين، لكن السبب الحقيقي هو تدخل الأهل ، وبنقول للأهل بجد: اخرجوا بره حياة ولادكم، لأن النتيجة بتكون خراب بيوت."
وأضافت: "الاتنين بيحبوا بعض، ومفيش إهانة ولا خلافات ولا أي مشاكل، لكن تدخلات خارجية هي اللي أجبرت مسلم ويارا على الانفصال اللي حصل ده ظلم للطرفين، خاصة أنهم كانوا في بداية حياتهم الزوجية."
سهير جودة: مسلم يعيش حالة من الحزن العميق
من جانبها، أوضحت الإعلامية سهير جودة أن المطرب مسلم يعيش حاليًا حالة من الحزن الشديد بعد الانفصال، لأنه يكن مشاعر حب صادقة لزوجته السابقة يارا تامر.
وقالت سهير: "هو حزين جدًا، لأنه فعلًا بيحب يارا. الفكرة كلها إن الطرف التالت الأهل دخلوا بينهم بشكل أثر على استقراره اللي يوجع أكتر إن مكنش فيه أي مؤشرات لخلافات أو مشادات بينهم."
وشددت سهير على أن تدخل الأهل غالبًا ما يفسد العلاقات الزوجية التي كان يمكن أن تستمر وتنجح لولا الضغوط الخارجية.
مفيدة شيحة: ماذا استفاد الأهل بعد الطلاق؟
عادت مفيدة شيحة لتطرح تساؤلًا لاذعًا للأهل:"إيه اللي هيستفيده الأهل بعد ما بنتهم تطلق بعد أربع شهور بس من جوازها؟ إيه اللي كسبتوه؟ أنتم أجبرتوا اتنين بيحبوا بعض على الانفصال، رغم إن حياتهم كانت مستقرة وهادية."
وأضافت : "أنا بقول للأهل اللي بيتدخلوا في حياة أولادهم: أنتوا كده خربتوا بيت التدخلات دي بتدمر، ومفيش أي مكسب غير إنكم ظلمتوا بنتكم وظلمتوا شاب بيحبها."
في ختام الحديث، وجهت الإعلاميتان رسالة واضحة لكل الأهل:"كفاية تدخل في حياة ولادكم. الزواج علاقة بين طرفين فقط، وأي تدخل من خارج البيت بيهدم الاستقرار. لازم نتعلم إن الجواز مسؤولية اتنين، مش عيلتين."
