رامي رضوان: الإنسان المتسامح قلبه نظيف وعقله كبير وناضح
شارك الإعلامي رامي رضوان جمهوره رأيه في إحدى الخطب التي سمعها مؤخرًا عن التسامح.
وكتب رامي رضوان عبر صفحته الرسمية بموقع فيسبوك: “جمعة مباركة عليكم، ربنا يجعل في كل أيامكم بركة وخير، من الحاجات الجميلة اللي سمعتها في إحدى خُطب الجمعة: قيمة التسامح، وقد ايه ان الإنسان المتسامح ده قلبه نظيف..وعقله كبير..وناضح..ومقامه كبير..وذكي لأنه لا يضيع وقته وطاقته في الغضب والإنفعال ولا يهدر طاقته أو يشحنها بطاقة سلبية وحينما تُسامِح..تُسامَح".
وأضاف رامي رضوان: "لذلك نصحنا النبي، صلى الله عليه وسلم، و قال "ارحموا تُرحموا، واغفِروا يُغفَر لكم" وربنا سبحانه وتعالى قال في كتابه الكريم.."فَمَن عفا وأصلح فأجره على الله إنه لا يحب الظالمين" الموضوع يبدو سهل..بس مش دايما بيكون وقت التنفيذ. ساعات بنحس ان صعب علينا إننا نسامح اللي جه علينا. بس على الأقل الواحد لازم يحاول..عشان أجره عند ربنا ومرة في مره يمكن نقدر".
وتابع: "بصراحة الواحد لو فكر فيها بعقل هيلاقي ان الدنيا مش مستاهله. رحلتنا في الحياة بتعدي في لحظة..فمش مستاهله زعل وغضب وعتاب وتعنيف. انما مستاهله حب وود وضحكة وفرحة ونفوس صافية وراضية وراااااحة بال. فيابخت من سامح وعفا وربنا يقويني ويقويكم إننا كلنا نسامح أكتر مانشيل ونغضب".
