"أنيميا حادة أقل من 7".. فاطيما خليل تكشف تفاصيل أزمتها الصحية المفاجئة
أثارت حالة الإعلامية فاطيما خليل قلق جمهورها، بعد أن نشر نجلها عبر حسابها الرسمي على "إنستجرام" صورة لوالدته وهي ترقد على سرير المرض بالمستشفى، مرفقًا برسالة مؤثرة قال فيها: "ادعوا لماما تقوم بالسلامة عشان تعبانة جدًا.. ماما في المستشفى".
لكن فاطيما خرجت بعدها لتطمئن جمهورها، ونشرت عبر خاصية "ستوري" على حسابها الرسمي عبر موقع تبادل الصور والفيديوهات "إنستجرام" رسالة كشفت فيها تفاصيل أزمتها الصحية.
وجاء في رسالتها: بجد شكرا ليكوا كلكو أنا مش عارفة أشكركوا ازاي فعلا انتو أهل وعيلتي التانية.. شكرا لكل واحد فيكو بعتلي ماسيدج عشان يدعيلي أو يطمن علي.. الماسيدجات كتير قوي فمش عارفة أرد عليها كلها فقلت أشكركوا كلكو هنا.. الحمد لله أنا دلوقتي كويسة أنا خرجت إمبارح من المستشفى بعد خمس ساعات محاليل.. حالتي إن أنا كان هيغمى علي الصبح ودوخت وكنت هاقع من طولي فجريت على المستشفى لقوا إني عندي أنيميا حادة نسبتها أقل من 7 فقرروا إنهم يعلقولي محاليل فيها حديد قوي جدا عشان يلحقوني.. شكرا ليكوا من قلبي وعلى فكرة أنا اللي كنت في المستشفى مش مامتي بعد الشر عليها هو ابني كان اللي منزلي الستوري عشان كده كان كاتب ادعوا لماما".
هجوم على فاطيما خليل بسبب "الميكب".. والإعلامية ترد: فلتقل خيرًا أو لتصمت
وأضافت الإعلامية: "فيه حد بعت يقول نقص حديد وfull makeup وكان داخل يتريق أنا مش حاطة ميكب خالص وحتى لو حاطة افرض كنت جاية من شغلي في التليفزيون وحاطه ميك اب مينفعش أعيا وأروح المستشفى زي الناس ولا هيبقى لازم اشيل الميك اب قبل ما أعيا.. يعني في الوقت ده فلتقل خيرا أو لتصمت أنت ما تعرفش ظروف الناس ومع ذلك أنا مكنتش حاطة نقطة ميك اب".
على صعيد آخر، كانت قد ردت الإعلامية رضوى الشربيني على متابع وصفها بـ “خرابة بيوت”، حيث كتب لها تعليقًا على أحد الفيديوهات: “أنتِ ست خرابة بيوت”.
وأعربت رضوى الشربيني عن انزعاجها وردت قائلة: “حسبي الله ونعم الوكيل فيك هسيبك لربنا يجيب لي حقي.. بس كنت قولها في سرك متبقاش خدت سيئة على العلن”.
رضوى الشربيني توجه نصائح للفتيات
على جانب آخر، كانت رضوى الشربيني قد وجهت نصائح للفتيات من خلال بث مباشر عبر حسابها بموقع فيسبوك فيما يخص العودة للإكس بعد الانفصال وقالت: “بيجلي رسائل كتير أوي وبيسألوني إزاي أرجع للإكس بتاعي، مفيش حاجة اسمها نرجع للإكس. الموضوع انتهى وصفحة وبتتقفل. والعوض مش شرط يكون راجل، ممكن يكون شغل وأصدقاء وعيلة وصاحب جدع. متنتظريش أن واحد خرج من حياتك النهاردة، يقوم ربنا يعوضك براجل تاني على طول، في حاجات تانية ربنا يعوضك بيها زي الفلوس”.
وأضافت رضوى الشربيني عن المواصفات التي يجب أن تبحث عنها الفتاة في شريك أحلامها: “أهم صفة في الراجل أنه ميكونش مفلس مش بس ماديًا وفي المشاعر والعطاء وفي كل حاجة”.
