ياسمين عز للسيدات: «لو نفسك في حاجة حلوة امسكي إيد جوزك»
أثارت الإعلامية ياسمين عز موجة جديدة من الجدل بعد تصريحاتها الأخيرة خلال برنامجها “ كلام الناس ” المذاع عبر قناة mbc مصر ، حيث وجهت رسائل صادمة وغير تقليدية للنساء بمناسبة احتفالات المولد النبوي، ركزت فيها على حلاوة المولد وعلاقتها بالزوج.
"بصي لحتة البسبوسة اللي جنبك جوزك"
ياسمين عز بدأت حديثها بمقارنة غير مألوفة، إذ قالت: "إنتي مش محتاجة تاكلي حلاوة المولد.. بصي لحتة البسبوسة اللي جنبك جوزك، امسكي إيده هتتشبعي بالسكر مش بعيد تخشي في غيبوبة".
التشبيه الغريب أثار تفاعلاً واسعًا، حيث ربطت عز بين الحلوى والزوج باعتباره البديل الطبيعي لأي رغبة في تناول السكريات.
هجوم على "الشراهة في الأكل"
ووجهت الإعلامية انتقادات مباشرة للنساء اللاتي يفرطن في تناول الحلويات، مضيفة: "إيه الجرأة إنك داخلة تاكلي معانا حلاوة المولد؟ الكام كيلو اللي زدتيهم الشهر اللي فات مقويين قلبك؟ شفطتي المانجا والتين والبطيخ بضميرك الميت ولسه داخلة تاكلي كمان؟"
وبهذا الخطاب الساخر، حمّلت عز النساء مسؤولية زيادة وزنهن وعدم التزامهن بالنظام الغذائي.
"عاوزه تخسي؟ اقفلي بوقك"
لم تكتفِ ياسمين عز بالتعليق على تناول حلاوة المولد، بل قدمت نصيحة قاسية قائلة: "عاوزه تخسي؟ اقفلي بوقك. عاوزه تاكلي؟ خدي حتة حمصية صغنونة بعد الغدا تكتم على نفسك"، في محاولة منها لتأكيد أن الحل الوحيد للتخسيس هو التوقف عن الأكل المفرط.
"سيبي الحلاوة لجوزك"
واختتمت عز حديثها بنبرة اعتبرها البعض هجومية، قائلة: "لو نفسك راحت للحلويات بصي لجوزك أو امسكي إيده، مش بعيد يجيلك غيبوبة من السكر. لكن تفتحي علبة حلاوة المولد وتقضي عليها؟ عيب يا ماما، سيبيها لجوزك.. إنتي بتاكلي كتير طول السنة، كفاية بقى".
قالت عز خلال فقرتها: "ما تستغربيش لما تفتحي علبة حلاوة المولد وتلاقي جوزك قاعد جواها، ده مكانه الطبيعي.. وبعدين هي حلاوة المولد معمولة من إيه؟ عسل وسكر.. نفس مكونات جوزك بالظبط"، في إشارة منها إلى ضرورة تقدير الزوج ومنحه الاهتمام الكافي حتى في التفاصيل البسيطة.
وأضافت الإعلامية المثيرة للجدل: "أول ما تفتحي علبة حلاوة المولد اللي جوزك جبهالك بفلوسه، تضحكي في وشه وتقوليله: المسميه حلوة بس مش أحلى منك يا حبيبي، أو الحمصية جميلة بس مش أجمل من ضحكتك.. الكلمتين دول مش هيكلفوكي أي حاجة، لكن تأثيرهم عنده كبير جدًا، وممكن يخليه يسيبلك العلبة كلها تاكليها لوحدك"، مؤكدة أن الزوج يحتاج إلى كلمات التقدير والدعم مثلما يحتاج إلى الطعام أو الهدايا.
