هند فاروق وميكا البغدادي بالحجاب..خطوة مفاجئة وردود فعل إيجابية من المتابعين

شهدت مواقع التواصل الاجتماعي في الساعات الأخيرة تفاعل واسع مع خبر ارتداء الإعلامية والبلوجر هند مدحت فاروق وميكا البغدادي، طليقة مطرب المهرجانات مسلم، للحجاب، حيث اعتبر كثيرون هذه الخطوة تحول لافت في حياة الثنائي، خاصة أنهما شاركتا متابعيهما رسالة صريحة حول رغبتهما في الثبات على القرار ومسح كل صورهن السابقة.

هند فاروق تفاجئ جمهورها بارتداء الحجاب

أعلنت المذيعة هند فاروق ارتداءها الحجاب رسميًا من خلال منشور عبر حساباتها على مواقع التواصل الاجتماعي، كتبت فيه: “عمري ما غلبت في الكلام.. ولا اتحطيت في موقف و كنت مش عارفه اقول ايه .. بس انا فعلاً مش عارفه اكتب حاجه ولا اقول حاجه .. مكنش عندي شك ان اللحظه دي هتيجي تاني .. كنت واثقه في ربنا انه عارف اللي جوايا .. عارف انا بحبه قد ايه و مش بتبسط في اي مره بعصيه فيها سواء في الكبائر او الصغائر .. انا بقالي ٤ سنين مصدعه صحابي .. انا عايزه اتحجب.. مش قادره بس عايزه.. بحب شعري قوي .. و بحب البحر و التان.. بحب الفساتين القصيره و الحفلات و السهر والمزيكا .. بحب نظرات الاعجاب بجمالي في عين اي حد بيشوفني راجل او ست .. بحب شغلي قوي اللي يمكن الحجاب يغير شكلو .. او يخليني مقدرش اعملو تاني .. بس بحب ربنا اكتر .. بس مش قادره احول الحب لفعل .. مش عارفه اخد الخطوه دي .. انهارده عید میلاد جديد ليا .. ميلاد لحياه جديده مبدأتش انهارده .. بدأت من سنه .. و ركزت فيها من ٦ شهور بس انا مش هعرف اكتب كل حاجه جوايا .. بس انا اتحجبت بدعوات امي و ابويا و اخواتي و دعوات كل بنت هنا كانت لما بتشوفني بطرحه في العمره او اي حاجه تدعيلي .. فا انا عايزاكو تكملو دعا ليا .. بس المرادي بالثبات.. ربنا بس اللي عارف القرار ده خد مني قد ايه .. بس انا دلوقتي مرتاحه و مطمنه اکثر و عارفه و واثقه انه

هيساعدني .. ادعولي .. كتير .. بالثبات و اني ربنا يقدرني و البسو بالطريقه الصحيحه اللي ترضيه"
الرسالة أثارت تفاعل واسع من المتابعين الذين أبدوا دعمهم الكامل لها، مؤكدين أن قرارها يعكس شجاعة وروحًا صادقة في الاقتراب أكثر من الدين.

ولم تكتف هند بالإعلان فقط، بل قامت بحذف جميع صورها القديمة التي ظهرت فيها بدون حجاب، في إشارة واضحة إلى رغبتها في فتح صفحة جديدة مع جمهورها، والبدء في مرحلة مختلفة من حياتها المهنية والشخصية.

ميكا البغدادي طليقة مسلم تعلن الحجاب برسالة مؤثرة

من جانبها، شاركت ميكا البغدادي، طليقة مطرب المهرجانات مسلم، متابعيها بخبر ارتدائها الحجاب أيضًا، مؤكدة أنها اتخذت القرار عن قناعة داخلية ورغبة في أن تكون قدوة لابنها الصغير.

وقالت ميكا في رسالتها:
“أنا كبيرة مش صغيرة، أنا عندي 28 سنة وأم لولد صغير، ومش عاوزة ابني يكبر يشوف في حاجة فرض وأنا مبعملهاش. كنت بعيدة أوي وكنت في غفلة ومكسوفة إني بقول كده دلوقتي، مكنتش بفكر في الحجاب لكن خدت الخطوة، ومسحت كل شغل الناس من عندي، وآسفة على تأخير أي شغل الفترة اللي فاتت.”

تصريحات ميكا لاقت ترحيب كبير من جمهورها، حيث أشاد كثيرون بصدقها وصراحتها في التعبير عن مشاعرها وتبرير قرارها.

ردود فعل الجمهور على الحجاب

تصدرت أخبار هند فاروق وميكا البغدادي ترند السوشيال ميديا بعض المتابعين كتبوا أن الحجاب “نور وهدى” متمنين لهن الثبات. آخرون رأوا أن القرار شجاع، خصوصًا مع الضغوط التي يواجهها المشاهير في الحفاظ على صورتهم أمام الجمهور.