بسبب نصيحة والدته.. أمير عيد يتصدر التريند بعد حفلة امس
تصدر الفنان أمير عيد التريند بعد حفله مساء أمس ضمن فعاليات مهرجان العلمين الجديدة، بسبب تصريحاته التي قالها أثناء الحفل ، حيث قدم الفريق مجموعة من أشهر أغانيه، والتي اختتمها بأغنية كل حاجة بتعدي، وقبلها غنت الفرقة أغنية عيون الناس التي جمعتها بالفنان تووليت في ألبومه الأخير، وقد مازح أمير عيد قائد فريق كايروكي الحضور، قائلًا : "مبسوط إني بغني مع تووليت وأنا عارف شكله".
أمير عيد ينتقد المطربين المهووسين بفكرة الأرقام
وجاءت تصريحات الفنان أمير عيد المثيرة للجدل على النحو التالي: “في حد بيقول إن حفلته هي الأكبر وهي الأضخم .. وبيقولوا إننا عملنا في ستاد القاهرة أكبر حفلة في تاريخ مصر .. لكن يعني علشان أكون صريح .. الحقيقة أنا مش بفهم ليه الناس مهووسة أوي بفكرة الأرقام الأكثر مشاهدة والأكثر متابعة .. واللي عنده أجمد عربية وأجمد ساعة .. اعتقد يعني ده لو دل على شيء فهو بيدل على الشخص اللي بيبقى فاضي من جوا بيحب يبقى من بره”، في إشارة منه للمطربين الذين يهتموا بظهورهم على أنهم المطربين الأكثر جماهيرية.
نصيحة والدة أمير عيد
وتذكر الفنان أمير عيد نصيحة قدمتها له والدته، حيث قال للجمهور على المسرح: “وافتكر إن أمي مرة قالتلي إنك عمرك ما تبقى شخص غني إلا لو كان عندك حاجة الفلوس مابتشتريهاش .. ودلوقتي السوشيال ميديا بتحسسنا إننا مش عايشين وبنشوف ناس عاملة نفسها مبسوطين وفرحانين .. ودي مش ناس حقيقية لكن أنتم ناس حقيقية”.
أمير عيد: “أنا مش كيس شيبسي”
وأوضح الفنان أمير عيد حبه للأغاني، حيث قال: "أنا بعمل الأغاني اللي بحبها مش علشان أكون براند أو سلعة .. أنا مش كيس شيبسي علشان أبقى نفسي أبيع أكتر حد .. وأنا فنان حر والشيء اللي بيحركني هو أفكاري وقناعاتي .. وبغني لجمهور حر عنده أفكار وبيحب يفكر .. شكرًا ليكم على ثقتكم وإنكم جمهور ملهم .. وأنا زمان كنت فاكر إني بغني في الأوضة لوحدي ومحدش هيسمع اللي أنا بعمله .. لكن وجودكم غير كل شيء وأنتم السبب دلوقتي إني مش بغني لوحدي .. وإن الأغاني دي تعيش .. وإني مش لوحدي في العالم اللي بقى دلوقتي دمه تقيل ومش حقيقي .. شكرًا".
